మోడీ ఉన్నప్పుడు ఒకలా.. మోడీ లేనప్పుడు ట్రంప్ మరొకలా.. ఏంటయ్యా ఇది..!!

అమెరికా అధ్యక్షులు ఇండియా విషయంలో ఎప్పుడు ఒకేలా ప్రవర్తిస్తుంటారు. ముఖ్యంగా రిపబ్లికన్లు. రిపబ్లికన్లు అధికారంలో ఉండగా ఇండియా కంటే కూడా శత్రుదేశమైన పాక్ కు అధిక ప్రాధాన్యత ఇస్తుంటారు. కారణాం అవసరాలు. అమెరికా వంటి పెద్ద దేశం ఎక్కువగా ఆయుధాలను చిన్న చిన్న దేశాలకు అమ్ముతుంది. ఉగ్రవాదం అధికంగా ఉండే దేశాలలో అమెరికా తిష్టవేసి అక్కడ సైనిక శిక్షణ పేరుతో పాగా వేస్తుంది. ఆయుధాలు సరఫరా చేస్తూ అక్కడి నుంచి డబ్బులు రాబట్టుకుంటుంది.

అదే ఇండియా విషయానికి వస్తే, ఇండియా పెద్ద దేశం. టెక్నాలజీ పరంగా అమెరికాతో పోటీ పడుతున్నది. ఇప్పుడు సొంతంగా ఆయుధాలను తయారు చేసుకోవడమే కాకుండా కొన్ని దేశాలకు సరఫరా కూడా చేయగలుగుతుంది. అందుకు ఓ ఉదాహరణ బ్రహ్మస్ క్షిపణి వ్యవస్థ. అంతరిక్ష రంగంలో కూడా ఇండియా ఆరితేరింది. ఇక ఇప్పుడు యుద్ధ నౌకలను సొంతంగా తయారు చేసుకుంటోంది. అలానే రక్షణ రంగానికి కావాల్సిన విమానాలను కూడా సొంతంగా ఇండియా తయారు చేసుకునే వరకు ఎదిగింది. పూర్తి స్థాయిలో ఎదగడానికి కొంత సమయం పడుతుంది.

ఇండియాకు ఆయుధాలు అమ్మడం అంటే కొంత ఇబ్బందికరమైన అంశమే. ఇతర విషయాల్లో ఇండియాతో ట్రేడింగ్ జరిగినా, అమెరికా వంటి దేశాలకు ముఖ్యమైన ఆదాయ వనరు ఆయుధాలే. అందుకే వాటిని కొనుగోలు చేసే దేశాల వైపు అమెరికా చూస్తుంది. పాక్ ఈ విషయంలో ముందు ఉంటుంది. పాక్ చైనా మధ్య మంచి సంబంధాలు ఉన్నా, పాక్ ఎక్కువుగా అమెరికా నుంచే ఆయుధాలు కొంటుంది. అందుకే పాక్ తో సంబంధాలను వదులుకోవడానికి ఇష్టపడదు.

మొతేరా స్టేడియంలో ఇండియాను పొగడ్తలతో మించెత్తిన ట్రంప్, యూఎస్ ఎంబసీలో ప్రెస్ మీట్ లో తన అసలు రంగు బయటపెట్టాడు. పాక్ తో మంచి సంబంధాలు ఉన్నాయని చెప్పిన ట్రంప్, కాశ్మీర్ విషయంలో మధ్యవర్తిత్వం చేస్తానని చెప్పడం వెనుక అసలు రహస్యం ఏంటో అర్ధమయ్యే ఉంటుంది.