టాలీవుడ్ ‘గాడ్ ఫాదర్’ చిరంజీవి.! ఇంతకన్నా సాక్ష్యం ఇంకేం కావాలి.?

మెగాస్టార్ చిరంజీవి, తెలుగు సినీ పరిశ్రమకి పెద్దన్న.! ఔను, ఆయనే ఇప్పుడు తెలుగు సినిమాకి గాడ్ ఫాదర్.! ఎవరు ఔనన్నా ఎవరు కాదన్నా ఇదే వాస్తవం. అబ్బే, ‘ఆచార్య’ సినిమాతో ఫ్లాప్ కొట్టారు గనుక, చిరంజీవి ఇకపై ‘బాస్’ కాదు.. ఆయన కూడా డిజాస్టర్ సినిమాలకు అతీతం కాదు.. అంటూ చెత్త విశ్లేషణలు కొన్ని బులుగు, పచ్చ మీడియా సంస్థలు చేస్తున్నాయి.

ఒక్క సినిమా డిజాస్టర్‌తో కరిగిపోయే ఇమేజ్ కాదు మెగాస్టార్ చిరంజీవిది. ఆయన కేవలం సినీ నటుడు మాత్రమే కాదు, అందరివాడు.! ఔను, చిరంజీవి అంటే ఓ శిఖరం. ఆ శిఖరాన్ని చూసి, గ్రామ సింహాలు మొగరడం అనేది సర్వసాధారణమైన విషయం.

మొన్నామధ్య మెగాస్టార్ చిరంజీవి, తెలుగు సినీ పరిశ్రమ పెద్దన్న హోదాలో ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి కలిస్తే, ‘అది వ్యక్తిగత సమావేశం..’ అటూ సెటైరేశాడో పిల్ల కుంక.! కానీ, పరిశ్రమ పెద్దన్నగానే చిరంజీవిని చూస్తున్నట్లు ఆంధ్రప్రదేశ్ మంత్రులే కొందరు ప్రకటించారు.

సరే, ‘పెద్దన్న’, ‘పెద్దరికం’ వంటి ట్యాగ్స్ చిరంజీవి ఏనాడూ కోరుకున్నవి కావు. ‘నాకు పెద్దరికం వద్దు.. నేను పరిశ్రమ బిడ్డగా, పరిశ్రమలో ఎవరికి ఏ సమస్య వచ్చినా అండగా వుంటాను..’ అంటుంటారు చిరంజీవి.

ఇదిలా వుంటే, తాజాగా మన్యం వీరుడు అల్లూరి సీతారామరాజు విగ్రహావిష్కరణ కార్యక్రమం భీమవరంలో జరిగింది. ప్రధాన మంత్రి, ఆంధ్రప్రదేశ్ ముఖ్యమంత్రి పాల్గొన్న కార్యక్రమం ఇది. ఈ కార్యక్రమానికి, సినీ పరిశ్రమ తరఫున కేవలం చిరంజీవికి మాత్రమే ప్రత్యేక ఆహ్వానం అందింది. ఆ తర్వాత మరో సినీ నటుడు పవన్ కళ్యాణ్‌కి కూడా ఆహ్వానం అందినా, అది రాజకీయ కోణంలోనే అనుకోవాలి.

ఇంతకన్నా, పరిశ్రమ పెద్ద అనే హోదా.. చిరంజీవికి ఇంకే రూపంలో వస్తుంది.? కానీ, దీన్ని ఒప్పుకునేందుకు చాలామందికి మనసొప్పడంలేదు. ఈ క్రమంలోనే ‘ఆచార్య’ సినిమా ఫెయిల్యూర్‌ని తెరపైకి తెస్తూ, కొత్తగా చెత్త విశ్లేషణలు చేస్తున్నారు. సినిమాల్లో చిరంజీవి నెంబర్ వన్.. వన్ టూ టెన్ ఆయనే. ఆ తర్వాతే ఇంకెవరైనా. ఈ మాట అన్నది ఎవరో కాదు, సూపర్ స్టార్ మహేష్‌బాబు.

పాన్ ఇండియా హీరో ప్రభాస్ సైతం, చిరంజీవి పెద్దరికాన్ని ప్రశ్నించలేదు. ప్రశ్నించడు కూడా. చిరంజీవి స్థాయి ఏంటన్నది, ఆ స్థాయి గురించి తెలిసినవారందరికీ అర్థమవుతుంది. కోవిడ్ కష్ట కాలంలో, పరిశ్రమలో కార్మికుల్ని ఆదుకునేందుకు చిరంజీవి చేసిన ప్రయత్నాలు అన్నీ ఇన్నీ కావు. హెల్త్ కార్డులు, నిత్యావసర వస్తువులు.. ఇలా ఒకటేమిటి.? పరిశ్రమ ద్వారా ఎదిగిన చిరంజీవి, ఆ పరిశ్రమకు తనవంతు సేవ చేస్తూనే వున్నారు.

చాలాకాలంగా నడుస్తున్న బ్లడ్ బ్యాంక్, ఐ బ్యాంక్ ద్వారా మాత్రమే కాదు, ఆక్సిజన్ బ్యాంక్ ఏర్పాటు చేసి.. ఎన్నో ప్రాణాల్ని కోవిడ్ సమయంలో చిరంజీవి కాపాడారు. చిరంజీవి అంటే ఎవరెస్ట్ శిఖరం. ఆయన నెంబర్ వన్ పొజిషన్‌ని ప్రశ్నించేంత సీన్ ఎవరికైనా వుందా.? ఛాన్సే లేదు.

ఇక, ‘ది బాస్ ఈజ్ హియర్ టు రూల్ ఫర్ ఎవర్..’ అంటూ ‘గాడ్ ఫాదర్’ సినిమా నుంచి ప్రోమో రాగానే, పచ్చ గుండెల్లో రైళ్ళు పరిగెత్తినట్టున్నాయ్.! చిరంజీవి రాజకీయాల్లోకి వచ్చేస్తారా.? వచ్చేస్తే రాజకీయాల్లో తాము ఏమైపోతాం.? ‘గాడ్ ఫాదర్’ సినిమా హిట్టయిపోతే, సినీ పరిశ్రమలో తమ భవిష్యత్తేంటి.? అని తెగ బెంగపడిపోతున్నట్టున్నాయి.?