ఫ్లాష్ న్యూస్: తిరుపతి లడ్డూ.. ‘కరోనా’ కష్టాలు తీరినట్టే!

తిరుపతి లడ్డూని మహా ప్రసాదంగా భావిస్తారు భక్తులు. దేశవ్యాప్తంగా, ప్రపంచ వ్యాప్తంగా తిరుపతి లడ్డూకి వున్న గుర్తింపు గురించి ఎంత చెప్పుకున్నా తక్కువే. అయితే, ఆ తిరుపతి లడ్డూకి కూడా కరోనా ఎఫెక్ట్‌ తప్పలేదు. దాదాపు 50 రోజుల తర్వాత భక్తులకు తిరుపతి అడ్డూ అందుబాటులోకి వచ్చింది. తిరుపతిలోని టీటీడీ పరిపాలనా భవనం వెనుక ఈ రోజు నుంచి లడ్డూతోపాటు వడ ప్రసాదం పంపిణీ ప్రారంభమయ్యింది. ఈ రోజు 500 లడ్డూలు, 500 వడలు భక్తులకు విక్రయించింది టీటీడీ. అవసరమైన మేర ప్రసాదాన్ని అందిస్తామని టీటీడీ వర్గాలు చెబుతున్నాయి. లడ్డూ కోసం వచ్చే భక్తులు ఫిజికల్‌ డిస్టెన్సింగ్‌ పాటిస్తున్నారు.