న్యూ టాలెంట్ను ప్రోత్సహిస్తూ హీరో కిరణ్ అబ్బవరం నిర్మించిన ‘తిమ్మరాజుపల్లి టీవీ’ సినిమా ప్రేక్షకుల నుంచి మంచి స్పందన అందుకుంటోంది. సుమైర స్టూడియోస్తో కలిసి కేఏ ప్రొడక్షన్స్ బ్యానర్పై రూపొందిన ఈ చిత్రంలో సాయి తేజ్, వేద జలంధర్ హీరో హీరోయిన్లుగా నటించగా, వి.మునిరాజు దర్శకుడిగా పరిచయమయ్యారు. గ్రామీణ నేపథ్యంలో పీరియాడిక్ డ్రామాగా తెరకెక్కిన ఈ సినిమా విడుదల తర్వాత పాజిటివ్ టాక్ తెచ్చుకోవడంతో హైదరాబాద్లో చిత్రబృందం సక్సెస్ మీట్ నిర్వహించింది.
ఈ సందర్భంగా నిర్మాత కిరణ్ అబ్బవరం మాట్లాడుతూ, సినిమా చూసిన ప్రతి ఒక్కరి నుంచి మంచి స్పందన వస్తోందని చెప్పారు. మీడియా, సినీ ప్రముఖులు ఈ చిత్రాన్ని మంచి ప్రయత్నంగా ప్రశంసిస్తున్నారని తెలిపారు. కొత్తవాళ్లతో కలిసి ఒక నిజాయితీగల ప్రయత్నం చేయాలని భావించి ఈ సినిమాను నిర్మించామని చెప్పారు. ఇది గొప్ప సినిమా అని చెప్పనప్పటికీ, మంచి సినిమా మాత్రం ఖచ్చితంగా అవుతుందని అన్నారు.
సినిమా విడుదలైన ఒక్కరోజులోనే నటీనటుల్లో పలువురికి ఇండస్ట్రీ నుంచి అవకాశాలు రావడం సంతోషంగా ఉందని కిరణ్ వెల్లడించారు. థియేటర్లలో ఈ సినిమా ఒక మంచి అనుభూతిని ఇస్తుందని, రెండు గంటల పాటు ప్రేక్షకులను గ్రామీణ వాతావరణంలోకి తీసుకెళ్తుందని చెప్పారు. నాస్టాల్జియా, థ్రిల్, ఎమోషన్ కలిసిన ఈ సినిమా ఎక్కడా బోర్ కొట్టదని అన్నారు.
దర్శకుడు వి.మునిరాజు మాట్లాడుతూ, ఇది ఒక ఊరి కథ మాత్రమే కాదు, ప్రతి గ్రామంలో కనిపించే మనుషుల కథ అని అన్నారు. హీరో సాయి తేజ్ మాట్లాడుతూ, కొత్తవాళ్లపై నమ్మకం ఉంచి థియేటర్లలో విడుదల చేసిన కిరణ్ అబ్బవరానికి కృతజ్ఞతలు తెలిపారు. హీరోయిన్ వేద జలంధర్ కూడా ప్రేక్షకుల స్పందనతో ఎంతో ఆనందంగా ఉందన్నారు.
ప్రస్తుతం ‘తిమ్మరాజుపల్లి టీవీ’ సినిమా సోషల్ మీడియాలో మంచి చర్చకు దారి తీస్తోంది. కొత్త నటీనటులకు ఈ చిత్రం మంచి వేదికగా నిలుస్తుందనే అభిప్రాయాలు వ్యక్తమవుతున్నాయి.