రెబల్ స్టార్ ప్రభాస్ నటించిన లేటెస్ట్ పాన్ ఇండియా మూవీ ‘ది రాజా సాబ్’ బాక్స్ ఆఫీస్ వద్ద మిక్స్డ్ టాక్ మధ్య తన ప్రయాణాన్ని కొనసాగిస్తోంది. రిలీజ్ అయినప్పటి నుంచి నెగటివ్ రివ్యూలు వచ్చినప్పటికీ, స్టార్ పవర్ కారణంగా థియేటర్లలో కలెక్షన్లు నిలబడుతూనే ఉన్నాయి. ముఖ్యంగా సంక్రాంతి హాలిడే అడ్వాంటేజ్ సినిమాకు కొంతవరకు కలిసివచ్చింది.
ఎనిమిదో రోజు కల్లా సినిమా రెండో వారంలోకి అడుగుపెట్టింది. కనుమ పండుగ సందర్భంగా ప్రేక్షకుల రాక కొంత పెరగడంతో, ఆ రోజు ఓ మోస్తరు హోల్డ్ కనిపించింది. అయితే సినిమా బడ్జెట్, అంచనాలు దృష్టిలో పెట్టుకుంటే ఇప్పటివరకు వచ్చిన వసూళ్లు మాత్రం ఆశించిన స్థాయిలో లేవనే చెప్పాలి.
తెలుగు రాష్ట్రాల్లో ఎనిమిదో రోజు దాదాపు 2.03 కోట్ల షేర్ వసూలు చేయగా, వరల్డ్ వైడ్గా 2.73 కోట్ల షేర్, 5.40 కోట్ల గ్రాస్ సాధించింది. ఇప్పటివరకు మొత్తం ఎనిమిది రోజులకు గానూ సినిమా సాధించిన వసూళ్లు చూస్తే –
నైజాంలో 29.95 కోట్లు, సీడెడ్లో 9.93 కోట్లు, యూఏలో 9.58 కోట్లు, ఈస్ట్లో 7.54 కోట్లు, వెస్ట్లో 5.24 కోట్లు, గుంటూరులో 5.16 కోట్లు, కృష్ణాలో 5.24 కోట్లు, నెల్లూరులో 3.34 కోట్లు వసూలు చేసింది.
ఇవన్నీ కలిపి తెలుగు రాష్ట్రాల్లో మొత్తం 75.98 కోట్ల షేర్ (112.25 కోట్ల గ్రాస్) నమోదైంది. ఇతర భాషల్లో చూస్తే కర్ణాటకలో 8.42 కోట్లు, తమిళనాడు + కేరళలో 1.60 కోట్లు, హిందీ బెల్ట్లో సుమారు 12.10 కోట్లు, ఓవర్సీస్లో 16.90 కోట్లు వసూలయ్యాయి. దీంతో వరల్డ్ వైడ్గా సినిమా ఇప్పటివరకు 115 కోట్ల షేర్ (సుమారు 192.90 కోట్ల గ్రాస్) ను నమోదు చేసింది.
అయితే సినిమా బ్రేక్ ఈవెన్ చేరుకోవాలంటే ఇంకా దాదాపు 94 కోట్ల షేర్ రావాల్సి ఉంది. ప్రస్తుతం ట్రెండ్ చూస్తే అది అంత సులువు కాదని ట్రేడ్ వర్గాలు భావిస్తున్నాయి. అయినప్పటికీ ప్రభాస్ క్రేజ్, వీకెండ్ అడ్వాంటేజ్, కొన్ని సెంటర్లలో మంచి ఆక్యుపెన్సీ కారణంగా రాబోయే రోజుల్లో కలెక్షన్లు ఎలా ఉంటాయన్నది ఆసక్తికరంగా మారింది.
మొత్తానికి మిక్స్డ్ టాక్ మధ్య కూడా ‘రాజా సాబ్’ తన రన్ కొనసాగిస్తోంది. కానీ భారీ టార్గెట్ను చేరుకోవాలంటే ఇకపై స్ట్రాంగ్ హోల్డ్ తప్పనిసరి అనే అభిప్రాయం బాక్స్ ఆఫీస్ వర్గాల్లో వినిపిస్తోంది.