మనిషిని చంపి తినాలని ఉంది.. నా చేతుల్లో చస్తారా?

‘‘నాకు ఓ అమ్మాయిని చంపి, ఆ శవాన్ని రేప్ చేసి, ఆపై ముక్కలుగా నరికి తినాలని ఉంది. మనిషిని చంపుతుంటే ఆ ప్రాణం ఎలా పోతుందో చూడాలని ఉంది. నా చేతుల్లో చనిపోవడానికి సిద్ధంగా ఉన్నవారెవరైనా నన్ను సంప్రదించండి’’ – ఇదీ అమెరికాలో ఓ యువకుడు వెబ్ సైట్ లో ఇచ్చిన ప్రకటన. ఈ ఆలోచన వింటేనే వణుకు పుడుతోంది కదూ? అత్యంత జుగుప్పాకరమైన ఈ ఆలోచన టెక్సాస్ లో నివసించే 23 ఏళ్ల అలెగ్జాండర్ బార్డెర్ ది.

చూడటానికి అత్యంత అమాయకంగా కనిపించే అతగాడి ఆలోచనలు మాత్రం అత్యంత క్రూరంగా ఉన్నాయి. వాస్తవానికి మనుషులను తినే మనుషులు అక్కడక్కడా ఉన్నారు. భారత్ లో అఘోరాలు, దక్షిణాఫ్రికాలోని కొన్ని దేశాల్లో ఉండే గిరిజనులు మనిషి మాంసం తింటారు. అయితే, వారు చనిపోయిన మనుషులను తింటారు కానీ, మనిషిని చంపి తినరు. కానీ అలెగ్జాండర్ బార్టెర్ ది మాత్రం క్రూరమైన కోరిక.

ఒక బాలికను చంపే, ఆ శవాన్ని రేప్ చేసి, తర్వాత ముక్కలుగా కోసుకుని తినాలని అనుకున్నాడు. తనకు అవసరమైన బాలిక కోసం గాలిస్తూ.. వెబ్ సైట్ లో ప్రకటన ఇచ్చాడు. దీనికి ఓ వ్యక్తి బదులిచ్చాడు. తనకు 13 ఏళ్ల కుమార్తె ఉందని, తనను అప్పగిస్తానని పేర్కొన్నాడు. దీంతో ఆ బాలికను తెచ్చుకోవడానికి బయలుదేరిన అలెగ్జాండర్ కి ఊహించని షాక్ తగిలింది.

బాలిక కోసం వెళ్లిన అతడికి పోలీసులు స్వాగతం పలికారు. అతడిని అరెస్టు చేసి కటకటాల్లోకి నెట్టారు. పోలీసులే 13 ఏళ్ల బాలిక తండ్రిగా అతడితో సంప్రదింపులు జరిపి వలపన్ని పట్టుకున్నారు. 2018 అక్టోబర్ లో ఈ సంఘటన జరిగింది. అనంతరం విచారణ ప్రారంభించిన కోర్టు.. తాజాగా శిక్ష ఖరారు చేసింది. అలెగ్జాండర్ కి 20 సంవత్సరాల కఠిన కారాగార శిక్ష విధించింది. ఈ కాలంలో అతడి ప్రవర్తన, ఆలోచనలపై నిఘా ఉంచాలని.. ఒకవేళ వాటిలో ఎలాంటి మార్పూ లేకుంటే శిక్షా కాలం మరో 20 ఏళ్లు పెరుగుతుందని స్పష్టంచేసింది.