క్రైమ్ న్యూస్: 5 నెలల గర్బిని భార్యను హత్య చేసిన భర్త, ఎందుకో తెలుసా?

5 నెలల గర్బిని భార్యను హత్య చేసిన భర్త, ఎందుకో తెలుసా?

దిల్లీలోని అంబేద్కర్‌ నగర్‌లో దారుణం జరిగింది. చెప్పా పెట్టకుండా బయటకు వెళ్లినందుకు గాను తన భార్యను విచక్షణ కోల్పోయి చంపేశాడు ఒక భర్త. తన భార్యను చంపేశాను అంటూ నేరుగా వెళ్లి పోలీసుల ముందు లొంగిపోయాడు. పోలీస్‌ స్టేషన్‌కు వెళ్లిన అతడిని ప్రశ్నించిన పోలీసులు అతడు చెప్పిన సమాధానం విని ఆశ్చర్య పోయారు. అతడి వాలకం చూస్తే హత్య చేసినట్లుగానే లేడంటూ పోలీసులు అంటున్నారు.

పోలీసులు చెప్పిన కథనం ప్రకారం.. విజయ్‌ అనే వ్యక్తి తన 30 ఏళ్ల భార్య హేమలతతో గొడవ పడ్డాడు. 5 నెలల గర్బవతి అయిన హేమలత నిన్న సాయంత్రం సమయంలో విజయ్‌ సోదరి ఇంటికి వెళ్లింది. పక్కనే ఉండటంతో వెంటనే రావచ్చు అనుకుంది. కాని అక్కడ ఆలస్యం అయ్యింది. బయట నుండి ఇంటికి వచ్చేప్పటికి ఇంట్లో భార్య లేకపోవడంతో అతడికి కోపం వచ్చింది.

ఆమె వచ్చే వరకు వెయిట్‌ చేసి గొడవ పడ్డాడు. ఆమె కూడా అతడితో గొడవకు దిగడంతో ఇద్దరి మద్య గొడవ మద్యరాత్రి వరకు సాగింది. తాగిన మైకంలో ఉన్న విజయ్‌ విచక్షణ కోల్పోయి హేమలతను చంపేశాడు. పోలీసులు కేసు నమోదు చేసి అతడిని రిమాండ్‌కు పంపించారు.

రూ.1200 గొడవ, హత్యకు దారితీసింది

లాక్‌ డౌన్‌ నేపథ్యంలో పేదలు తీవ్రమైన ఆర్థిక పరిస్థితులతో అల్లాడుతున్నారు. కనీస అవసరాలకు సంబంధించిన పదార్థాలు కొనుగోలు చేసేందుకు కూడా డబ్బులు లేక ఇబ్బందులు పడుతున్నారు. ఇలాంటి సమయంలో డబ్బుల కోసం గొడవలకు దిగడం, హత్యలు చేయడం వంటివి కూడా చేస్తున్నారు. తాజగా హైదరాబాద్‌ జగద్గిరిగుట్ట ప్రాంతంలో ముగ్గురు స్నేహితులపై ఒక వ్యక్తి కేవలం రూ.1200 కోసం కత్తితో పొడిచి అక్కడ నుండి పారిపోయాడు.

ముగ్గురు స్నేహితులు మెడికల్‌ షాప్‌ వద్ద రూ. 1200 విషయమై గొడవ పడ్డారు. ఆ సమయంలో వారిని వారించేందుకు మరో స్నేహితుడు అక్కడకు వచ్చాడు. డబ్బుల విషయంలో గొడవ తీవ్రం అవ్వడంతో మోహసీన్‌ అనే వ్యక్తి ముగ్గురు స్నేహితులపై కత్తితో దాడి చేశాడు. దాంతో వారు తీవ్రమైన రక్తస్రావంతో యశోదా హాస్పిటల్‌లో జాయిన్‌ అయ్యారు. ముగ్గురిలో ఒకరి పరిస్థితి విషమంగా ఉందంటూ వైధ్యులు ప్రకటించారు. ప్రస్తుతం పోలీసులు కేసు నమోదు చేసి మోహసీన్‌ను అరెస్ట్‌ చేసేందుకు ప్రయత్నాలు చేస్తున్నారు.