Hari Hara Veeramallu: పవర్ స్టార్ పవన్ కల్యాణ్ హీరోగా నటించిన పిరియాడిక్ ఫిల్మ్ ‘హరిహర వీరమల్లు’. 2020లోనే ప్రారంభమైన సినిమా సుదీర్ఘ కాలం సెట్స్ పైనే ఉండిపోయింది. మే నెలలో విడుదలవుతుందని భావించినా.. జూన్ 12కి వాయిదా పడింది. తిరుపతిలో భారీ ప్రీ-రిలీజ్ ఈవెంట్ కోసం ప్లాన్ కూడా చేశారు. అయితే అనుకోని కారణాలతో మరోసారి వాయిదా పడింది.
దీంతో ఇప్పుడీ సినిమా ఎప్పుడు విడుదలవుతుందా అని అభిమానులు ఆసక్తిగా ఎదురుచూస్తున్నారు. అయితే.. సినిమా విడుదల తేదీ ఇదేనంటూ.. జూలైలో విడుదల అని సోషల్ మీడియాలో గాసిప్స్ వైరల్ అవుతున్నాయి. దీంతో చిత్ర బృందం స్పందించింది. ‘హరిహర వీరమల్లు విడుదల జూలై నెలలో అని వస్తున్న వార్తలు అవాస్తవం’.
‘సినిమా విడుదల తేదీని అతి త్వరలోనే మా అఫిషియల్ సోషల్ మీడియా హ్యాండిల్స్ ద్వారా తెలియజేస్తాం. అప్పటివరకూ మాకు మీ మద్దతు, ప్రేమ ఇలానే ఉండాలని కోరుకుంటున్నా’మని క్లారిటీ ఇచ్చింది. పవన్ కల్యాణ్ కు జోడీగా నిధి అగర్వాల్ నటించారు.