కొన్నాళ్ళ క్రితం నారా భువనేశ్వరిపై వైసీపీ నేతలు కొందరు అసెంబ్లీ సాక్షిగా అత్యంత జుగుప్సాకరమైన వ్యాఖ్యలు చేశారు. ఆ ఘటనకు సంబంధించి గన్నవరం ఎమ్మెల్యే (టీడీపీ నుంచి గెలిచినా, వైసీపీలోకి దూకేశారు) క్షమాపణ కూడా చెప్పారు ఓ న్యూస్ ఛానల్ ఇంటర్వ్యూలో. తన భార్యపై అంతటి జుగుప్సాకరమైన వ్యాఖ్యల్ని చంద్రబాబు తట్టుకోలేకపోయారు. మీడియా ముందు కంటతడి పెట్టారు. ‘కౌరవ సభలో వుండేది లేదు.. అధికారంలోకి వచ్చాక గౌరవ సభలోనే అడుగు పెడతా..’ అని శపథం చేశారు.
ఆ ఘటనపై నందమూరి కుటుంబమంతా స్పందించింది. యంగ్ టైగర్ ఎన్టీయార్ కూడా స్పందించాడు.. ఓ వీడియో విడుదల చేశాడు. సినీ నటుడిగా ఏ రాజకీయ పార్టీ తరఫున కూడా వకాల్తా పుచ్చుకోలేని పరిస్థితి ఎన్టీయార్ది. ఏ పార్టీ మీదా నేరుగా ఆయన విమర్శలు చేయలేడు. అందుకే, అత్యంత జాగ్రత్తగా పదాల్ని ఎంచుకున్నాడు. తన మేనత్తకు జరిగిన అవమానంపై స్పందించాడు.. సున్నితమైన పదజాలంతో, కొంచెం ఘాటైన భావజాలంతో.!
ఇక, ఇప్పుడు స్వర్గీయ ఎన్టీయార్ పేరుని హెల్త్ యూనివర్సిటీ నుంచి తొలగించి, వైఎస్సార్ పేరుని వైసీపీ ప్రభుత్వం పెట్టడంపైన కూడా జూనియర్ ఎన్టీయార్ స్పందించాడు. ఈ మేరకు ట్వీటేశాడు. అయితే, ఆ ట్వీట్ తెలుగుదేశం పార్టీలో చాలామందికి నచ్చడంలేదు. టీడీపీ అనుకూల మీడియాకి అస్సలు మింగుడుపడ్డంలేదు.
‘మా తాతగారు.. మా దైవం., అన్నగారు, ఎన్టీఆర్ లాంటి ఆప్యాయత కూడిన పిలుపు నుంచి ఎన్టీఆర్ అనే పొడి పిలుపుదాకా మారడం గమనార్హం. ఆఖరికి జగన్ చెల్లెలు షర్మిలగారు కూడా ఇది తప్పు.. అని ఖండించిన ఈ సందర్భాన్ని కూడా వైసీపీ అభిమానులకు బిస్కట్ ఎలా వెయ్యాలి అనే యాంగిల్లో చూడటం..’ అంటూ ఓ టీడీపీ అనుకూల మీడియా, యంగ్ టైగర్ ఎన్టీయార్ మీద సెటైర్ వేసింది.
‘అప్పుడు భువనేశ్వరి అవమానంపై.. ఇప్పుడు పేరు మార్పుపై.. గోడమీద పిల్లిలా జూ ఎన్టీఆర్’ అంటూ మరో టీడీపీ అనుకూల మీడియా చిత్ర విచిత్రమైన ప్రస్తావన తీసుకొచ్చింది. ‘టీడీపీ క్యాడర్ దీన్నొక నేరంగా చూస్తోంది..’ అంటూ ఎన్టీయార్ మీద మరో టీడీపీ అనుకూల మీడియా వ్యాఖ్యానిస్తోంది.
తెలుగుదేశం పార్టీ కోసం యంగ్ టైగర్ ఎన్టీయార్ చాలా చేశాడు 2009 ఎన్నికల సమయంలో. తన ప్రాణాల్ని సైతం పణంగా పెట్టి, ఎన్నికల ప్రచారం చేశాడు. ఆ ప్రచారంలోనే రోడ్డు ప్రమాదానికి గురై చావు అంచులదాకా వెళ్ళాడు యంగ్ టైగర్. అలాంటి ఎన్టీయార్ మీద తెలుగుదేశం పార్టీకి ఎందుకంత కసి.?
పైగా, ఎన్టీయార్ ఎలా స్పందించినా టీడీపీలో ఓ బ్యాచ్ ఆయన్ని దూషించడానికెప్పుడూ సిద్ధంగానే వుంటుంది. అలాంటి టీడీపీ తరఫున ఎన్టీయార్ ఎలా వకాల్తా పుచ్చుకుంటాడు.? అయినాగానీ, వైసీపీ నుంచి తనకు వ్యతిరేకత ఎదురవుతుందని తెలిసీ, స్పందించాల్సినప్పుడు స్పందిస్తూనే వుంటాడు.
‘పేరు మార్చడం ద్వారా ఎన్టీయార్ స్థాయి తగ్గదు.. వైఎస్సార్ స్థాయి పెరగదు..’ అనడం కంటే ఘాటైన వ్యాఖ్య ఇంకేముంటుంది.? ఇది అర్థం కాకుండానే యంగ్ టైగర్ ఎన్టీయార్ మీద ‘కసి’తో రగిలిపోతున్నారు కొందరు టీడీపీ నేతలు, కార్యకర్తలు.
యంగ్ టైగర్ ఎన్టీయార్ మీద గతంలో టీడీపీ నేతలు అత్యంత దారుణమైన విమర్శలు చేశారు. అప్పుడెప్పుడూ చంద్రబాబు వారిని వారించలేదు. పైగా, ఎన్టీయార్దే తప్పన్నట్లు బాలకృష్ణతోనూ జూనియర్ ఎన్టీయార్కి వార్నింగ్ ఇప్పించిన సందర్భం (కొడాలి నాని విషయంలో) చూశాం. కానీ, యంగ్ టైగర్ ఏనాడూ తెలుగుదేశం పార్టీకి చెడు కలిగేలా వ్యవహరించలేదు.
అసలు యంగ్ టైగర్ ఎన్టీయార్ని మొదట్లో నందమూరి కుటుంబ సభ్యుడిగా గుర్తించేందుకే టీడీపీకి వత్తాసుపలికే నందమూరి కుటుంబ సభ్యులు ఒప్పుకోలేదన్నది కఠోర వాస్తవం. ఇప్పటికీ ఆ ‘కసి’ అలాగే కొనసాగుతున్నట్టుంది యంగ్ టైగర్ ఎన్టీయార్ మీద.
766636 843674Good post. I be taught one thing a lot more challenging on totally different blogs everyday. It will all of the time be stimulating to learn content from other writers and apply slightly 1 thing from their store. Id desire to use some with the content on my weblog whether you dont mind. Natually Ill give you a hyperlink on your net weblog. Thanks for sharing. 837434
901983 161157very good post, i definitely adore this website, maintain on it 275911