పిచ్చి పరాకాష్టకు చేరడమంటే ఇదే మరి.! కొందరు రాజకీయ నాయకులు బూతులు మాట్లాడితే, దాన్ని ఓ ప్రాంతానికి.. కాదు కాదు.. తెలుగు భాషకే అంటగట్టేయడాన్ని ఏమనాలి.? ఔను, పిచ్చి ముదిరిపోయింది. అర్జంటుగా వైద్య చికిత్స అవసరం.! నిజానికి, ఇంతలా పిచ్చి ముదిరిపోతే వైద్య చికిత్స కూడా కష్టం. ఎందుకంటే, ఇది మామూలు పిచ్చి కాదు.. క్యాన్సర్ కంటే భయంకరమైనది.
ఆంధ్రప్రదేశ్ రాష్ట్రంలో వైసీపీ వర్సెస్ టీడీపీ.. బూతుల పంచాంగం నడుస్తోంది. మంత్రులు సైతం బూతుల్లో ఆరితేరిపోయారు. ఆడ, మగ అన్న తేడాల్లేవిక్కడ.. అందరికీ ‘ఇత్తడైపోతోంది’.! ఆగండాగండీ, ఇది కూడా ఓ మహిళా మంత్రి ట్రేడ్ మార్కు డైలాగ్. ఆ డైలాగ్ పూర్తి సారం తెలుసు కదా.? అత్యంత జుగుప్సాకరమైన వ్యవహారమది.
సదరు మహిళా మంత్రిది రాయలసీమ.! ఇప్పుడామె బూతులు తగ్గించార్లెండి.. గతంలో కేవలం ఎమ్మెల్యేగా వున్నప్పుడు చెలరేగిపోయారు. కృష్ణా జిల్లాకి చెందిన ఓ మాజీ మంత్రి, అసలు బూతుల్లేకుండా మాట్లాడలేరు. టీడీపీ నేతలేం తక్కువ తిన్లేదు, ‘నా కొడక..’ అనకుండా ఓ మాజీ మంత్రి మాట్లాడలేరాయె. ఆయనది ఉత్తరాంధ్ర.
అదే ఉత్తరాంధ్రకి చెందిన ఓ ప్రజా ప్రతినిథి, అత్యంత బాధ్యతాయుతమైన పదవిలో వున్న నాయకుడు.. ‘లంజత్వం’ అంటూ నిస్సిగ్గుగా మాట్లాడేసి, తాను కూర్చున్న కుర్చీ గౌరవాన్ని తగ్గించేశారు. దురదృష్టం.. ఇలాంటి బూతులన్నీ ఇక్కడ ప్రస్తావించాల్సి వస్తోంది.
చిత్రమేంటంటే, బులుగు మాఫియాకి.. అదేనండీ, మీడియాని మాఫియాలా నడుపుతున్న బులుగు బ్యాచ్కి కేవలం కృష్ణా జిల్లాకి చెందిన నాయకులు, అందునా, టీడీపీ నేతలు మాట్లాడుతున్న బూతులే వినిపిస్తున్నాయ్, కనిపిస్తున్నాయ్.!
ఒక్కటి మాత్రం నిజం.. అందరూ కలిసి రాష్ట్రాన్ని నాశనం చేయడమే లక్ష్యంగా కంకణం కట్టుకుని పని చేస్తున్నారు. తెలుగు మీడియం వద్దు.. ఇంగ్లీషు మీడియం ముద్దు.. అని అధికార పార్టీ చెబుతోంటే ఏదో అనుకున్నాంగానీ.. ‘రాజకీయాల్లో త్రిబుల్ ఎక్స్ కంటెంట్’ ఇవ్వడమే ఆ ఇంగ్లీషు మీడియం తాలూకు ఉద్దేశ్యమన్న అనుమానం ఇప్పుడిప్పుడే బలపడుతోంది.
884651 891916This was an incredible post. Actually loved studying your internet site post. Your data was quite informative and beneficial. I think youll proceed posting and updating frequently. Seeking forward to your subsequent 1. 392934