నితిన్ హీరోగా వస్తున్న తమ్ముడు మూవీ ట్రైలర్ డేట్ అనౌన్స్ చేసింది టీమ్. ప్రతి అనౌన్స్ మెంట్ కు ఓ డిఫరెంట్ వీడియోను ప్లాన్ చేస్తున్న డైరెక్టర్ వేణు శ్రీరామ్.. ఈసారి కూడా అలాంటి వీడియోతోనే అనౌన్స్ చేసేశారు. శ్రీ వెంకటేశ్వర క్రియేషన్స్ బ్యానర్ మీద దిల్ రాజు నిర్మిస్తున్న ఈ సినిమాలో సీనియర్ హీరోయిన్ లయ, సప్తమి గౌడ, వర్ష బొల్లమ్మతో పాటు మరికొందరు కీలక పాత్రలు చేస్తున్నారు. జులై 4న మూవీని రిలీజ్ చేస్తున్న సంగతి తెలిసిందే.
తాజాగా టీజర్ అనౌన్స్ మెంట్ వీడియో ఆకట్టుకుంటోంది. ‘ముందుగా సప్తమి గౌడ, స్వాసిక మా వల్లే మూవీని జులై 4న రిలీజ్ చేస్తున్నారు అంటూ చెబుతారు. పక్కనే ఉన్న లయ.. మీరు వేరే మూవీలో నటించి తమ్ముడు సినిమా అనుకుంటున్నారా అంటూ సెటైర్ వేసేస్తుంది. లయ, వర్ష బొల్లమ్మ కలిసి నవ్వుకుంటారు. మధ్యలోకి వేణు శ్రీరామ్ వచ్చి ట్రైలర్ వీటన్నింటికీ ఆన్సర్.. జూన్ 11న సాయంత్రం 5 గంటలకు రిలీజ్ చేస్తున్నట్టు ప్రకటిస్తాడు. ట్రైలర్ డేట్ ను ప్రకటించడంతో తమ్ముడు మూవీ రిలీజ్ డేట్ లో ఎలాంటి మార్పులు లేవని క్లారిటీ ఇచ్చేశారు.