విజువల్ ఎక్స్లెన్సీ అంటే ఇదీ.. బ్యాక్గ్రౌండ్ స్కోర్ అంటే ఇదీ.. కళ్ళు చెదిరే యాక్షన్ ఎపిసోడ్ అంటే ఇదీ.. వాట్ నాట్.! ఈ ఏడాది విడుదలవుతున్న అత్యంత ప్రతిష్టాత్మక చిత్రాల్లో ‘సైరా నరసింహారెడ్డి’ ఒకటి. అంతే కాదు, తెలుగు ప్రేక్షకులు అత్యంత ఆసక్తిగా ఎదురుచూస్తున్న సినిమాల్లో ‘సైరా నరసింహారెడ్డి’ది ఫస్ట్ ప్లేస్. ఓ పక్క ‘సాహో’ మేనియా ఓ ఊపు ఊపేస్తోంటే, ఇంకోపక్క ‘సైరా నరసింహారెడ్డి’.. అంటూ మెగాస్టార్ చిరంజీవి దూసుకొచ్చేస్తున్నారు. ‘చరిత్రలో మనం వుండకపోవచ్చు.. కానీ, చరిత్ర మనతోనే మొదలవ్వాలి..’ అంటూ ‘సైరా నరసింహారెడ్డి’లో చిరంజీవి చెప్పిన ఒక్క డైలాగ్.. సినిమా ఎంత పవర్ఫుల్గా తెరకెక్కిందో చెప్పడానికి నిదర్శనం.
పవర్ స్టార్ పవన్ కళ్యాణ్ వాయిస్ ఓవర్తో టీజర్ మొదలవుతుంది. ‘సైరా నరసింహారెడ్డి’ ఎవరు.? అని బ్రిటిష్ పాలకులు ప్రశ్నించడం, రేనాటి సూరీడు సైరా నరసింహారెడ్డి గురించి ఎవరో చెబుతుండడం, ఆ తర్వాత యాక్షన్ ఎపిసోడ్స్.. అందులో మెగాస్టార్ చిరంజీవి రిస్కీ స్టంట్స్.. వెరసి, ఓ చిన్నపాటి యుద్ధాన్నీ.. అంతకు మించిన దేశభక్తినీ రగిలించేలా ‘సైరా నరసింహారెడ్డి’ టీజర్ని రూపొందించారు.
‘వావ్.. మార్వలెస్.. విజువల్ వండర్..’ ఇలా ఎన్ని మాటలైనా చెప్పుకోవచ్చు. ముందే చెప్పుకున్నాం కదా, అన్ని విభాగాల్లోనూ ‘ఎక్స్లెన్సీ’ కన్పించింది. అడుగడుగునా దర్శకుడు సురేందర్ రెడ్డి మేకింగ్ వాల్యూస్, నిర్మాతగా రామ్చరణ్ చేసిన ఖర్చు.. వీటన్నిటికీ మించి మెగాస్టార్ చిరంజీవి పెట్టిన ఎఫర్ట్స్ కన్పిస్తాయి. ప్రధాన తారాగణం దాదాపుగా టీజర్లో కన్పించేశారు. ఓవరాల్గా టీజర్, సినిమాపై అంచనాల్ని పదింతలు పెంచేస్తుందన్నది నిర్వివాదాంశం.
తెలుగుతోపాటు అన్ని సౌత్ లాంగ్వేజెస్లోనూ, హిందీలోనూ ఈ ‘సైరా నరసింహారెడ్డి’ విడుదల కాబోతోంది. చరిత్ర మర్చిపోయిన ఓ దేశభక్తుడిని చరిత్ర గుర్తుంచుకునేలా చేయబోతున్న ‘సైరా నరసింహారెడ్డి’ మన తెలుగువారందరికీ ప్రత్యేకంగా గర్వకారణం. ఎందుకంటే, ‘ఉయ్యాలవాడ నరసింహారెడ్డి’ మన తెలుగువాడు.. తొలి తెలుగు స్వాతంత్య్ర సమరయోధుడు. ఆ మహనీయుడి జీవిత చరిత్ర ‘సైరా నరసింహారెడ్డి’గా ప్రేక్షకుల ముందుకొస్తోంది. ‘సైరా.. సై సైరా..’ అనాల్సిందే.!
681067 895170Woh I enjoy your articles , saved to favorites ! . 676742
65050 682459Thank you for your really great details and respond to you. 909348