కోలీవుడ్ స్టార్ హీరో సూర్య తెలుగు యువ దర్శకుడు వెంకీ అట్లూరి కలిసి ఒక సినిమా చేస్తారన్న అనౌన్స్ మెంట్ ఈమధ్యనే వచ్చింది. సూర్య రెట్రో సినిమా ప్రీ రిలీజ్ ఈవెంట్ లో స్వయంగా సూర్య ఈ అనౌన్స్ మెంట్ చేశారు. ఇక ఆ ప్రకటన తర్వాత సినిమా ప్రీ ప్రొడక్షన్ వర్క్ కూడా పూర్తి చేసినట్టు తెలుస్తుంది.
నేడు సూర్య వెంకీ అట్లూరి సినిమా పూజా కార్యక్రమాలు నిర్వహించారు. సితార ఎంటర్టైన్మెంట్స్ బ్యానర్ లో సూర్యదేవర నాగ వంశీ, సాయి సౌజన్య నిర్మిస్తున్న ఈ సినిమాలో సూర్య సరసన ప్రేమలు హీరోయిన్ మమితా బైజు ఫిమేల్ లీడ్ గా నటిస్తుంది. సార్, లక్కీ భాస్కర్ సినిమాలతో సూపర్ సక్సెస్ అందుకున్న డైరెక్టర్ వెంకీ అట్లూరి సూర్యతో కూడా మరో అద్భుతమైన కథతో రాబోతున్నారని తెలుస్తుంది.
సూర్య వెంకీ అట్లూరి కాంబో సినిమాకు జి.వి ప్రకాష్ మ్యూజిక్ అందించనున్నారు. ఈ సినిమా పూజా కార్యక్రమాలకు ప్రముఖ దర్శకుడు త్రివిక్రం శ్రీనివాస్ వచ్చి క్లాప్ కొట్టారు. తెలుగు, తమిళ భాషల్లో తెరకెక్కనున్న ఈ సినిమాపై ఆడియన్స్ లో మంచి బజ్ ఏర్పడింది. సూర్య ఫ్యాన్స్ కి మంచి ట్రీట్ ఇచ్చేలా మంచి కథతో పాటు యాక్షన్ అంశాలతో ఈ సినిమా వస్తుందని తెలుస్తుంది.
