‘కూలీ’ సినిమా ప్రీ రిలీజ్ ఈవెంట్లో సూపర్ స్టార్ రజినీకాంత్, కింగ్ నాగార్జునను ప్రశంసించారు. 33 ఏళ్ల క్రితం ఎలా ఉన్నారో ఇప్పటికీ అలాగే ఫిట్గా ఉన్నారని ఆశ్చర్యపోయారు.
రజినీకాంత్ మాట్లాడుతూ, “నా జుట్టు ఊడిపోయింది కానీ నాగార్జున మాత్రం ఇంకా యంగ్గా ఉన్నారు. ఆయన ఆరోగ్య రహస్యం ఏమిటో అడిగాను. దానికి నాగ్ వ్యాయామం, స్విమ్మింగ్, సింపుల్ డైట్, సాయంత్రం ఆరు గంటలకే డిన్నర్ అలవాటు, అలాగే తండ్రి నుంచి వచ్చిన జీన్స్ కారణమని చెప్పారు” అని తెలిపారు.
‘కూలీ’లో సైమన్ పాత్ర మొదట తానే చేయాలని అనిపించిందని, కానీ నాగార్జున ఆ పాత్రలో అద్భుతంగా నటించారని రజినీకాంత్ అన్నారు. “ఆయన యాక్టింగ్ చూసి ఆశ్చర్యపోయాను. సైమన్ పాత్రలో నాగ్ అదరగొట్టారు” అని ప్రశంసించారు.
అలాగే దర్శకుడు లోకేశ్ కనగరాజ్ను కూడా పొగిడిన రజినీ, “తెలుగులో రాజమౌళి ఉన్నట్టు తమిళంలో లోకేశ్. ఈ సినిమా అద్భుతంగా ఉంటుంది. అనిరుధ్ సంగీతం అందరినీ మెప్పిస్తుంది” అని అన్నారు.
‘కూలీ’ సినిమా ఆగస్టు 14న ప్రపంచవ్యాప్తంగా విడుదల కానుంది.