మైఖేల్ రివ్యూ – విజువల్స్ గుడ్, విషయం నిల్

నటుడు సందీప్ కిషన్ గత కొంత కాలంగా హిట్ కోసం ఎదురుచూస్తోన్న విషయం తెల్సిందే. తన నుండి వస్తోన్న లేటెస్ట్ సినిమా మైఖేల్. ఈ చిత్రం డీసెంట్ అంచనాల మధ్య ఈరోజే విడుదలవుతోంది. మరి ఈ సినిమా ఎలా ఉందో చూద్దామా.

కథ:

ముంబైలో ఒక గ్యాంగ్స్టర్ వద్ద పెరుగుతాడు మైఖేల్. తనకు జీవితంలో ఒకే గోల్ ఉంటుంది. తన ఫోకస్ ఎప్పుడూ దాని మీదే ఉంటుంది. అయితే చాలా మందికి మైఖేల్ గతం ఏంటనేది తెలీదు కూడా. మరి మైఖేల్ గతం ఏంటి? దాని తాలూకూ జ్ఞాపకాలు మైఖేల్ ను ఎలా ప్రభావితం చేసాయి. తన గోల్ ఏంటి? దాన్ని సాధించాడా లేదా? అన్నది తెలియాలి అంటే చిత్రం చూడాల్సిందే.

నటీనటులు:

తన వంతుగా సందీప్ కిషన్ ఈ చిత్రం కోసం చేయాల్సిందంతా చేసాడు. యాక్షన్ సీక్వెన్స్ లలో దుమ్మురేపాడు. మైఖేల్, సందీప్ కిషన్ బెస్ట్ పెర్ఫార్మన్స్ అనుకోవచ్చు. అయితే తన వంతుగా న్యాయం చేసినా చిత్రంలో అంత దమ్ము లేదనిపిస్తుంది. గౌతమ్ వాసుదేవ్ మీనన్ కు ఈ చిత్రంలో చాలా పెద్ద పాత్రే దక్కింది. అయితే సహజంగా నటుడు కాని గౌతమ్ నుండి భారీ పెర్ఫార్మన్స్ లు ఆశించలేం. ఆ పాత్రకు కూడా సూట్ కాలేదు అనిపిస్తుంది.

విచిత్రంగా వరలక్ష్మి శరత్ కుమార్, విజయ్ సేతుపతిలకు అంతగా ప్రాధాన్యం లేని పాత్రలే దక్కాయి. వాళ్ళ పాత్రలు ఉండేది కూడా కొద్దిసేపే. వరుణ్ సందేశ్ రోల్ కూడా అంతే. అంతగా ప్రాముఖ్యత లేదు. దివ్యంశ కౌశిక్ కు మంచి పాత్ర దక్కింది కానీ ఆమె న్యాయం చేయలేదు అనిపిస్తుంది. అనసూయకు రొటీన్ పాత్రే పడింది.

సాంకేతిక నిపుణులు:

రంజిత్ కథ విషయంలోనే తడబడ్డాడు. ఈ చిత్ర నరేషన్ లో కేజిఎఫ్ ఛాయలు కనిపిస్తాయి. ఆఖరి 30 నిముషాలు పక్కనపెడితే మైఖేల్ లో డ్రాగ్ ఫీల్ ఎక్కువ కనిపిస్తుంది. నరేషన్ కూడా స్లో గా ఉంది. గౌతమ్ మీనన్ కు అంత పెద్ద పాత్ర ఇచ్చి, వరలక్ష్మి, విజయ్ సేతుపతిలకు ప్రాధాన్యం లేని పాత్రలు ఎందుకు ఇచ్చారో అర్ధం కాదు. చిత్రాన్ని స్టైల్ గా ప్రెజంట్ చేయడం కంటే కథ మీద దర్శకుడు ఎక్కువ ఫోకస్ పెట్టాల్సింది. ఇక రెగ్యులర్ ఆడియన్స్ ను ఆకట్టుకునే అంశాలు ఈ చిత్రంలో తక్కువే.

ఈ చిత్రానికి ప్రధాన బలం అంటే సినిమాటోగ్రఫీ అనే చెప్పాలి. చిత్రం మొత్తం చాలా స్టైలిష్ గా కనిపిస్తుంది. బ్యాక్ గ్రౌండ్ స్కోర్ కూడా అదిరిపోయింది. ప్రొడక్షన్ డిజైన్ కూడా సూపర్బ్. ఎడిటింగ్ ఇంకా బెటర్ గా ఉండొచ్చు అనిపిస్తుంది.

ప్లస్ పాయింట్స్:

• సందీప్ కిషన్ పెర్ఫార్మన్స్
• బ్యాక్ గ్రౌండ్ స్కోర్
• విజువల్స్

మైనస్ పాయింట్స్:

• స్టోరీలైన్
• గౌతమ్ మీనన్ పెర్ఫార్మన్స్
• నెమ్మదైన కథనం
• ఎమోషనల్ కనెక్ట్ లేకపోవడం

విశ్లేషణ:

సరిగా ఫోకస్ చేసి ఉంటే మైఖేల్ కచ్చితంగా ఒక కల్ట్ చిత్రం అయ్యే అవకాశాలు ఉండేవి. కానీ విజువల్స్ మీద పెట్టినంత శ్రద్ధ కథ మీద పెట్టలేదు అనిపిస్తుంది. డార్క్ థీమ్ లో నడిచే గ్యాంగ్స్టర్ చిత్రాలు నచ్చేవారు ఈ చిత్రాన్ని ఒకసారి చూడొచ్చేమో. మిగతా వారికి అంతగా రుచించే అవకాశాలు లేవు.

తెలుగు బులెటిన్.కామ్ రేటింగ్: 2.25