అభిమాన సినీ హీరో, హీరోయిన్లతో ఫోటోలు దిగడం సాధారణ విషయమే. అయితే.. మితిమీరిన ఉత్సాహం ఒకోసారి వారిని ఇబ్బందుల్లోకి నెడుతుంది. ప్రస్తుతం మళయాళ హీరోయిన్ అపర్ణా బాలమురళీకి ఇలానే ఓ చేదు అనుభవం ఎదురైంది. ఆమెతో ఓ విద్యార్ధి అనుచితంగా ప్రవర్తించిన ఘటన వైరల్ అయింది.
తన్కమ్ అనే సినిమాలో నటించిన అపర్ణ తోటి నటుడు వినీత్ శ్రీనివాసన్ తో కలిసి కేరళలోని ఓ లా కాలేజీకి వెళ్లారు. ఈక్రమంలో స్టేజీపై కూర్చున్న అపర్ణ వద్దకు ఓ విద్యార్ధి వచ్చి ఆమెకు షేక్ హ్యాండ్ ఇచ్చాడు. అంతటితో ఆగకుండా ఆమెను నిల్చోవాలని చేయి పట్టి లాగడంతో ఆమె చేసేదిలేక నుంచున్నారు. వెంటనే ఆ విద్యార్ధి ఆమె భుజంపై చేయి కూడా వేసి దగ్గరకు లాక్కునే ప్రయత్నం చేశాడు.
వెంటనే ఆమె అతడి నుంచి దూరంగా జరిగింది. విద్యార్ధి చర్యతో ఖంగుతున్న ఆమె ఆగ్రహం వ్యక్తం చేయడంతో అతడు సారీ చెప్పాడు. వీడియో వైరల్ కావడంతో నెటిజన్లు విద్యార్ధి తీరుపై ఆగ్రహం వ్యక్తం చేస్తున్నారు.
A college student misbehaved with actress Aparna Balamurali during the promotion function of Thangam movie. @Vineeth_Sree I'm surprised about your silence 🙏 What the hell #Thankam film crew doing there.
@Aparnabala2 #AparnaBalamurali pic.twitter.com/icGvn4wVS8— Mollywood Exclusive (@Mollywoodfilms) January 18, 2023