బలపడిన అల్పపీడనం.. ఏపీలోని ఈ జిల్లాల్లో అత్యంత భారీ వర్షాలు

బంగాళాఖాతంలో అల్పపీడనం కొనసాగుతోంది. ఇది బలపడి వాయుగుండంగా మారి ఏపీలోని కొన్ని ప్రాంతాల్లో అత్యంత భారీ వర్షాలు కురిసే అవకాశం ఉన్నట్లు వాతావరణ శాఖ వెల్లడించింది. ఈ ప్రభావంతో మంగళవారం దక్షిణ కోస్తా, రాయలసీమ జిల్లాల్లో భారీ నుంచి అతి భారీ వర్షాలు కురుస్తాయని చెప్పింది. సీమ లోని కొన్ని ప్రాంతాల్లో అత్యంత భారీ వర్షాలకు అవకాశం ఉందని తెలిపింది. ఈరోజు పశ్చిమగోదావరి జిల్లా, ఏలూరు, కృష్ణ ఎన్టీఆర్ జిల్లా, గుంటూరు, బాపట్ల, పల్నాడు, ప్రకాశం, నెల్లూరు, కర్నూలు, నంద్యాల, అన్నమయ్య, చిత్తూరు, తిరుపతి జిల్లాల్లో వర్ష ప్రభావం ఎక్కువ ఉండనుంది. నెల్లూరులో రెండో రోజు జిల్లా వ్యాప్తంగా భారీ వర్షాలు కురుస్తున్నాయి. ఇప్పటికే అధికారులు 146 పునరావాస కేంద్రాలను ఏర్పాటు చేశారు వెంకటగిరి, నెల్లూరు ప్రాంతాలకు ఇప్పటికే ఎన్డిఆర్ఎఫ్ బృందాలు చేరుకున్నాయి. జిల్లావ్యాప్తంగా ఈరోజు కూడా విద్యా సంస్థలకు కలెక్టర్ సెలవు ప్రకటించారు.