సినిమాలు అందరు చేస్తారు కానీ ఇండస్ట్రీని షేక్ చేసే సినిమాలు మాత్రం చాలా తక్కువమంది తీస్తుంటారు. అలాంటి వారిలో తాను ఒకడిని అని తొలి సినిమాతోనే ప్రూవ్ చేసుకున్నాడు సందీప్ రెడ్డి వంగా. అర్జున్ రెడ్డి సినిమా రిలీజ్ ముందు వరకు అతనెవరో కూడా తెలియదు.. ఆ సినిమా రిలీజ్ తర్వాత తెలుగు పరిశ్రమలో మరో అద్భుతమైన దర్శకుడు పుట్టుకొచ్చాడని అర్ధమైంది.
అంతేకాదు తొలి సినిమా కోసం ప్రొడక్షన్ హౌజ్ ల చుట్టూ తిరిగిన సందీప్ వంగా ఇప్పుడు బడా ప్రొడ్యూసర్ సైతం అతనితో సినిమా చేసేలా సత్తా చాటుతున్నాడు. అర్జున్ రెడ్డితో మొదలు పెట్టి కబీర్ సింగ్, యానిమల్.. సందీప్ సినిమా అంటే ఇలానే ఉంటుంది అని కేవలం మూడంటే మూడు సినిమాలతో తనకంటూ ఒక కల్ట్ మార్క్ సెట్ చేసుకున్నాడు.
ఆయన సినిమాలే కాదు ఆయన ఇంటర్వ్యూస్ కూడా అంతే బోల్డ్ గా ఉంటాయి. ఫిల్టర్ లేని మాటలు.. మొహమాటం లేని సమాధానాలు ఇది సందీప్ వంగా స్టైల్. ఆయన సినిమాల్లో హీరోలు ఎందుకు అంత వైలెంట్ గా ఉంటారన్నది ఆయన్ని చూస్తేనే అర్ధమవుతుంది. యానిమల్ హిట్ తర్వాత ప్రభాస్ తో స్పిరిట్ ప్లాన్ చేస్తున్న సందీప్ వంగాతో సినిమాకు హీరోలంతా రెడీ అనేలా ఉన్నారు. డైరెక్టర్ గా ఈ రేంజ్ పాపులారిటీ అది కూడా పాన్ ఇండియా లెవెల్ లో తెచ్చుకోవడం మాత్రం మామూలు విషయం కాదు. తప్పకుండా సందీప్ నెక్స్ట్ సినిమాలు కూడా అదే రేంజ్ హైట్స్ చేరుకుంటాయని చెప్పడంలో ఎలాంటి సందేహం లేదు.