మూవీ రివ్యూ: స్టాండప్ రాహుల్

వరస ప్లాపుల్లో ఉన్న రాజ్ తరుణ్ హిట్ కొట్టడానికి ఈసారి స్టాండప్ కామెడీ సెటప్ ను బేస్ గా తీసుకున్నాడు. ప్రోమోలతో ఆకట్టుకున్న ఈ చిత్రం మరి ఎలా ఉందో చూద్దామా.

కథ:

స్టాండప్ కమెడియన్ గా ఎదిగాలని కలలు కంటుంటాడు రాహుల్ (రాజ్ తరుణ్). లైఫ్ ను ఈజీగా తీసుకునే రాహుల్ జీవితంలోకి శ్రియ రావు (వర్ష బొల్లమ్మ) వచ్చాక కథ ఎలాంటి మలుపులు తిరుగుతుంది. రాహుల్ కు తన పేరెంట్స్ జీవితం వల్ల ఎలాంటి పరిస్థితులు ఎదురయ్యాయి వంటి ప్రశ్నలకు సమాధానాలు సినిమా చూసి తెలుసుకోవాల్సిందే.

నటీనటులు:

రాజ్ తరుణ్ ట్రెండీగా కనిపించాడు. తన హెయిర్ స్టైల్, మ్యానరిజమ్స్, స్టైలింగ్ అన్నీ సరిగ్గా సెట్ అయ్యాయి. పెర్ఫార్మన్స్ కూడా బాగుంది. పాత్రకు సరిపోయాడు. వర్ష బొల్లమ్మకు మరో మంచి పాత్ర పడింది. రాజ్ తరుణ్ తో ఆమె కెమిస్ట్రీ కూడా బాగానే వర్కౌట్ అయింది. శ్రియ రావు పాత్రకు పెర్ఫెక్ట్ ఫిట్ అనిపించుకుంది.

ఇంద్రజ, మురళీ శర్మ విడిపోయిన రాజ్ తరుణ్ తల్లిదండ్రులుగా నటించారు. వాళ్ళ పెర్ఫార్మన్స్ కూడా సినిమాకు ఉపయోగపడింది. మిగతా వాళ్లంతా మాములే.

సాంకేతిక వర్గం:

శ్రీరాజ్ రవీంద్రన్ సినిమాటోగ్రఫీ మెప్పిస్తుంది. సినిమా అంతా చాలా అందంగా కనిపించడానికి సినిమాటోగ్రఫీ ముఖ్య భూమిక పోషించింది. లైటింగ్, ఫ్రేమ్స్ కూడా మెప్పిస్తాయి. రవితేజ గిరజాల ఎడిటింగ్ కూడా ఫైన్.

స్వీకర్ అగస్తి పాటల పరంగా డీసెంట్ జాబ్ చేసాడని చెప్పవచ్చు. బ్యాక్ గ్రౌండ్ మ్యూజిక్ కూడా సన్నివేశాలను ఎలివేట్ చేయడానికి ఉపయోగపడింది. లిమిటెడ్ బడ్జెట్ లో తీసిన ఈ చిత్ర నిర్మాణ విలువలు బాగున్నాయి.

శాంటో ఈ చిత్రానికి రచయిత, దర్శకుడు. యూత్ కు నచ్చే ఒక కాన్సెప్ట్ ను తీసుకుని దాన్ని తన ప్యాషన్ కు, తన తల్లిదండ్రుల రిలేషన్ కు ముడిపెట్టిన విధానం బాగుంది. అయితే ఎగ్జిక్యూషన్ విషయంలోనే శాంటో తడబడ్డాడు. స్క్రీన్ ప్లే ను మరింత పకడ్బందీగా రాసుకోవాల్సింది.

పాజిటివ్ పాయింట్స్:

• కథ సెటప్
• పెర్ఫార్మన్స్

నెగటివ్ పాయింట్స్:

• నరేషన్
• స్క్రీన్ ప్లే

చివరిగా:

స్టాండప్ రాహుల్ యూత్ ను టార్గెట్ చేసిన ఒక రొమాంటిక్ ఫ్యామిలీ డ్రామా. అక్కడక్కడా మెప్పించే స్టాండప్ రాహుల్ లో నరేషన్ ఒక ఫ్లో లో లేకపోవడం కంప్లైంట్. అందువల్లే ఈ చిత్రం బిలో యావరేజ్ అన్న ఫీలింగ్ కలుగుతుంది.

తెలుగు బులెటిన్ రేటింగ్: 2/5