Stand-up Comedian Anudeep: ఏపీ డిప్యూటీ సీఎం, జనసేన అధినేత, హీరో పవన్ కల్యాణ్, రామ్ చరణ్, బాలకృష్ణ, జూనియర్ ఎన్టీఆర్, నిహారికలపై స్టాండప్ కమెడియన్ అనుదీప్ కటికల చేసిన కామెంట్స్ తీవ్ర దుమారం రేపిన సంగతి తెలిసిందే. పవన్ కల్యాణ్ వ్యక్తిగత జీవితంపై చేసిన అనుచిత వ్యాఖ్యలు, నిహారిక వ్యక్తిగత జీవితంపై చేసిన నిర్లక్ష్యపు వ్యాఖ్యలు, రామ్ చరణ్, బాలకృష్ణ, ఎన్టీఆర్ లను ఉద్దేశించి చేసిన అహంకారపు వ్యాఖ్యలపై తీవ్ర దుమారం రేగింది. ముఖ్యంగా మెగాభిమానులు, పవన్ అభిమానులు, రామ్ చరణ్ అభిమానులు అనుదీప్ పై చర్యలకు ఉపక్రమించారు. అనుదీప్ పై చర్యలు తీసుకోవాలని కోరుతూ జనసేన రాష్ట్ర కార్యదర్శి ఆకేపాటి సుభాషిణి తిరుపతి జిల్లా ఎస్పీ సుబ్బారాయుడుని కలిసి ఫిర్యాదు చేశారు.
అయితే.. రెండు, మూడు రోజులుగా ఫ్యాన్స్ ఆగ్రహం కట్టలు తెంచుకున్న వేళ అనుదీప్ పై లీగల్ గా చర్యలకు కూడా సిద్ధం అవుతున్నారు. ఈక్రమంలో అనూహ్యంగా అనుదీప్ తాను చేసిన వ్యాఖ్యలపై వివరణ ఇచ్చారు. తాను చేసిన వ్యాఖ్యలపై పశ్చాత్తాప్పడుతున్నట్టు పేర్కొన్నారు. ఈమేరకు ఓ వీడియో విడుదల చేశారు. ‘నేను చేసిన వ్యాఖ్యలు చాలా మందిని బాధించాయి. ముఖ్యంగా నేను అప్లోడ్ చేసిన వీడియోలో చేసిన వ్యాఖ్యలు అందరినీ బాధించాయి. ఎవరైనా నా వ్యాఖ్యలతో బాధపడిన అబిమానులకు క్షమాపణలు చెప్తున్నాను. ఎవరినీ బాధ పెట్టాలనేది నా ఉద్దేశం కాదు. షోలో భాగంగా జరిగిపోయింది. నా క్షమపణలు తర్వాత పరిస్థితులు నార్మల్ అవుతాయని భావిస్తున్నాను. ఎవరైతే నా వ్యాఖ్యల వల్ల బాధకు గురయ్యారో వారికీ క్షమాపణలు చెప్తున్నాను. ఇక నుంచి ఈ తరహా వ్యాఖ్యలు చేయను.. జాగ్రత్తగా ఉంటా’నని వీడియో విడుదల చేశారు. అయితే..
అనుదీప్ క్షమాపణలు చెప్పినా కూడా అభిమానులు ఎవరూ శాంతించడం లేదు. సోషల్ మీడియా వేదికగానే ఇది చాలదు.. నీకు శిక్ష పడాల్సిందేనంటూ కామెంట్స్ చేస్తున్నారు. అభిమాన హీరోలపై కామెంట్స్ చేయడం తర్వాత సారీ చెప్పడం పరిపాటైపోయిందని అంటున్నారు. స్టాండప్ కామెడీలో పేర్లతో సహా వెటకారం చేసి.. క్షమాపణల వీడియోలో మాత్రం పేరు పేరునా ఎందుకు క్షమాపణలు చెప్పలేదని కూడా అంటున్నారు. సారీ, అంటూ వీడియో విడుదల చేసినా చట్టపరంగా తీసుకోవాల్సిన యాక్షన్ తీసుకోవాల్సిందేనని డిమాండ్ చేస్తున్నారు.