వి చిత్రంలో పోలీస్ ఆఫీసర్ పాత్రలో మెప్పించిన సుధీర్ బాబు నుండి వస్తోన్న విలేజ్ యాక్షన్ డ్రామా శ్రీదేవి సోడా సెంటర్. ఈ చిత్రాన్ని పలాస ఫేమ్ కరుణ కుమార్ డైరెక్ట్ చేసాడు. శ్రీదేవి సోడా సెంటర్ ప్రోమోలతో ఆసక్తి కలిగించింది. మరి ఈ చిత్రం ఎలా ఉందో చూద్దాం.
కథ:
సూరిబాబు (సుధీర్ బాబు) లోకల్ ఎలక్ట్రీషియన్. సొంతంగా ఎదగాలని కలలు కంటుంటాడు. అదే ఊర్లో గోళీసోడా వ్యాపారం చేసుకునే శ్రీదేవి (ఆనంది)ని ఇష్టపడతాడు. శ్రీదేవి కూడా సూరిబాబు అంటే ఇష్టం చూపిస్తుంది. అయితే శ్రీదేవి తండ్రి (నరేష్)కు ఈ ప్రేమ నచ్చదు. తక్కువ కులం వాడు పైగా మర్డర్ కేసులో ఇన్వాల్వ్ అయ్యాడన్న కారణంతో పెళ్లి వద్దంటాడు.
మరి సూరిబాబు ఏం చేసాడు? తన ప్రేమను గెలుచుకున్నాడా? శ్రీదేవిని పెళ్లాడాడా? ఈ విషయాలు తెలియాలంటే సినిమా చూడాల్సిందే.
తెర మీద స్టార్స్
నిర్మొహమాటంగా ఇది సుధీర్ బాబు బెస్ట్ వర్క్ అని చెప్పుకోవచ్చు. అన్ని ఎమోషన్స్ పరంగా సుధీర్ బాబు మెప్పించాడు. ముఖ్యంగా ఎమోషనల్ అండ్ యాక్షన్ సన్నివేశాల్లో సూపర్బ్ గా అనిపించాడు. ఇక ఆనంది కూడా చూడముచ్చటగా ఉంది. తన పాత్రను చక్కగా పోషించింది. శ్రీదేవిగా మంచి నటనను కనబర్చింది. అటు రొమాంటిక్ సీన్స్, అలాగే ప్రీక్లైమాక్స్ లో వచ్చే ఎమోషనల్ సీన్స్ లో ఆనంది రాణించింది. నరేష్ మరోసారి తన వెర్సటాలిటీని చూపించాడు. ప్రీక్లైమాక్స్, క్లైమాక్స్ ఎపిసోడ్స్ లో నరేష్ నటన అద్భుతమని చెప్పాలి. మెయిన్ విలన్ గా నటించిన పావెల్ నవగీతాన్ కూడా మెప్పించాడు. సత్యం రాజేష్, రఘుబాబు, అజయ్, సప్తగిరి వీరందరూ తమ పాత్రలను చక్కగా పోషించారు.
తెర వెనుక టాలెంట్
నాగేంద్ర కాసి అందించిన కథ సాధారణంగా ఉంది. స్క్రీన్ ప్లే కూడా ఊహించేదిలానే ఉండటం సినిమాకు ఉన్న మెయిన్ మైనస్ పాయింట్. పలాస ఫేమ్ కరుణ కుమార్ మరోసారి విలేజ్ రస్టిక్ డ్రామానే ఎంచుకున్నాడు. అయితే ఈసారి కులం సమస్యలను ప్రధాన ఎజెండాగా తీసుకున్నాడు. ముఖ్యంగా ఎగ్జిబిషన్ సెటప్ అద్భుతంగా కుదిరింది.
మణిశర్మ బ్యాక్ గ్రౌండ్ మ్యూజిక్ సూపర్బ్ అనే చెప్పాలి. తన వర్క్ తో సన్నివేశాలను మరో లెవెల్ కు తీసుకెళ్లాడు. సాంగ్స్ లో కూడా రెండు బాగున్నాయి. శామ్ దత్ సినిమాటోగ్రఫీ చాలా బాగుంది. బోట్ రేసింగ్ ఎపిసోడ్ ను అద్భుతంగా తన కెమెరాలో బంధించాడు. శ్రీకర్ ప్రసాద్ ఎడిటింగ్ కు వంక పెట్టడానికి లేదు. ఎస్ రామకృష్ణ, మోనికాల ప్రొడక్షన్ డిజైన్ గురించి ప్రత్యేకంగా చెప్పుకోవాలి. నిర్మాతలు ఎక్కడా రాజీపడకుండా ఖర్చుపెట్టారు.
విజిల్ మోమెంట్స్
- సుధీర్ బాబు, ఆనంది పెర్ఫార్మన్స్
- బ్యాక్ గ్రౌండ్ స్కోర్
- ప్రీ క్లైమాక్స్, క్లైమాక్స్ పోర్షన్స్
బోరింగ్ మోమెంట్స్
- ఫ్లాట్ స్క్రీన్ ప్లే
- ఎంగేజ్ చెయ్యలేని సెకండ్ హాఫ్
చూడాలా? వద్దా?: ప్రీక్లైమాక్స్, క్లైమాక్స్ పోర్షన్స్ కారణంగా శ్రీదేవి సోడా సెంటర్ ఒకసారి చూడవచ్చు.
తెలుగు బుల్లెటిన్ రేటింగ్: 2.5/5
799390 278327Thank you for this great post! It has long been really valuable. I wish which you will carry on posting your understanding with us. 24407
818355 479205cool thanks for reis posting! btw are there feeds to your blog? Id enjoy to add them to my reader 725095
673161 455488Wow, amazing blog layout! How lengthy have you ever been running a weblog for? you make running a blog glance simple. The total look of your internet website is magnificent, effectively the content material material! 756756