శ్రీరెడ్డి క్షమాపణ చెబితే వదిలెయ్యాలా.?

‘మా కార్యకర్తల్ని వదిలెయ్యండి.. నన్ను కూడా వదిలెయ్యండి..’ అని, ‘బెండ్’ అయి మరీ బతిమాలుకుంది, క్షమాపణ చెప్పింది శ్రీరెడ్డి. వైసీపీ మద్దతుదారులైన శ్రీరెడ్డి, వైసీపీ హయాంలో పని చేసిన ఎమ్మెల్యేలు, ఎంపీలు, మంత్రులకంటే రెచ్చిపోయింది. అత్యంత జుగుప్సాకరమైన బూతులతో సోషల్ మీడియా వేదికగా చెలరేగిపోయింది.

పవన్ కళ్యాణ్, చంద్రబాబు, నారా లోకేష్.. ఇలా ఒకరేమిటి.? వైసీపీ రాజకీయ ప్రత్యర్థులంతా శ్రీరెడ్డి బాధితులేనని అనడం అతిశయోక్తి కాదు. ప్రస్తుత హోం మంత్రి అనిత వంగలపూడి మీద శ్రీరెడ్డి చేసిన వ్యాఖ్యలు అత్యంత జుగుప్సాకరం.

నిజానికి, వైసీపీ హయాంలోనే శ్రీరెడ్డి మీద పోలీసులు చర్యలు తీసుకుని వుండాలి. కానీ, అప్పట్లో వైసీపీ రాజ్యాంగం చెలామణీ అయ్యింది కదా.? పోలీసులు చేష్టలుడిగి చూశారు. ఇప్పుడూ అదే పరిస్థితి. శ్రీరెడ్డి మీద ప్రస్తుతానికి ఏపీ పోలీసులు ఎలాంటి చర్యలూ తీసుకోలేదు.

వైసీపీ నుంచి ఇంకా అదే జుగుప్సాకరమైన పొలిటికల్ ఎటాక్ సోషల్ మీడియా వేదికగా జరుగుతుండడాన్ని ఇటీవల ఏపీ డిప్యూటీ సీఎం పవన్ కళ్యాణ్ సీరియస్‌గా తీసుకున్నాక, పోలీసులు యాక్షన్ షురూ చేశారు. అరెస్టులు జరుగుతున్నాయి. ఈ క్రమంలోనే శ్రీరెడ్డి కూడా భయపడినట్లు కనిపిస్తోంది.

శ్రీరెడ్డి కట్టూ బొట్టూ మారాయ్.. మాట కూడా మారింది.! మాటల్లో పొగరు తగ్గింది. క్షమాపణ వేడుకుంటోంది. కానీ, క్షమాపణ ఎట్టి పరిస్థితుల్లోనూ పాప పరిహారం అవబోదు. ఆమె చేసిన పాపాలు అలాంటివి.
కేసులు పెట్టుకుంటూ వెళితే, ఒకటీ.. రెండూ కాదు, పదుల సంఖ్యలో వుంటాయేమో.! ఇప్పటికే చాలా కేసులు నమోదయ్యాయి ఆమె మీద. వైసీపీ రెండోసారి అధికారంలోకి వస్తే.. అంటూ అప్పట్లో శ్రీరెడ్డి విడుదల చేసిన వీడియో.. దాన్ని దృష్టిలో పెట్టుకుంటే, ఇప్పుడామె దుస్థితి.. వెరే లెవల్.!

వదిలెయ్యడం కాదు.. ఇలాంటోళ్ళకి కఠిన శిక్షలు.. అత్యంత వేగంగా పడాలి.!