Sreeleela: టాలీవుడ్ సెన్సేషన్ హీరోయిన్ శ్రీలీల. ఆమెకు యూత్ లో ఫాలోయింగ్ ఎక్కువ. చలాకీతనం, నటనలో చిలిపితనం, డ్యాన్స్ తో ఎందరో అభిమానులను సంపాదించుకుంది. ప్రస్తుతం ఆమె వరుసగా అగ్ర హీరోలతో నటిస్తోంది. ఈక్రమంలో తాను ఈరోజు ఉన్న స్థితికి కారణం ఎవరో ఓ అవార్డుల కార్యక్రమంలో చెప్పుకొచ్చింది.
‘నేను ఈరోజు సినిమాల్లో నటించడానికి, ఈ స్థితిలో ఉండడానికి కారణం మా తతయ్య. ఆయన సహకారం లేకపోతే సినిమాల్లోకి వచ్చేదాన్ని కాదు. నటిని కావాలనే నా ఆకాంక్షకు ఆయన ప్రోత్సాహం అందించారు. మా కుటుంబంలో చాలామంది డాక్టర్స్, ఇంజనీర్స్ ఉన్నారు. విద్యావంతుల కుటుంబంలో పుట్టినా సినిమా రంగంవైపు రావడానికి ఆయనే కారణ’మని అన్నారు.
ఆమె తాతయ్య నాగేశ్వరరావు.. ‘నా కుమార్తె డాక్టర్. శ్రీలీల కూడా డాక్టర్ కావాలనుకుంది. ప్రస్తుతం ఎంబీబీఎస్ ఫైనల్ ఇయర్ చదువుతోంది. సినిమాల్లో ఆమె విజయాల్ని చూసి సంతోషంగా ఉన్నా. కష్టపడి పని చేస్తోంద’ని అన్నారు. కెరీర్ పరంగా ప్రస్తుతం శ్రీలీల ఉస్తాద్ భగత్ సింగ్ తదితర సినిమాల్లో నటిస్తోంది.