అతి స్పందన.. ‘కోరిక’ ముదిరి.. ఆసుపత్రిలో చేరి..

అతిసర్వత్ర వర్జయేత్ అని ఊరికే అనలేదు. ఏది ఎంత అవసరమో అంతవరకే అనుసరించాలి. ఎలా చేయాలో అలాగే చేయాలి. అలా కాదని ఇష్టమొచ్చినట్టు చేస్తే అనర్థాలు తప్పవు. మనిషి జీవితంలో విడదీయలేని భాగమైన శృంగారం విషయంలోనూ ఇది వర్తిస్తుంది. అలా కాకుండా ప్రకృతికి విరుద్ధంగా, అతి తెలివి ఆలోచనలతో ముందుకెళితే ముప్పు తప్పదని ఓ యువకుడి ఉదంతం నిరూపించింది. బెర్లిన్ కు చెందిన డానీ పొలారిస్ అనే యువకుడు స్వలింగ సంపర్కుడు.

పైగా అతడికి శృంగారపరమైన కోరికలు చాలా ఎక్కువ. ఈ క్రమంలో ఓ రోజు తన అంగం ఎక్కువ సేపు స్తంభించి ఉంచాలనుకుని భావించి ఓ ఇంజక్షన్ ను నేరుగా దానికే తీసుకున్నాడు. అదే తాను చేసిన అతిపెద్ద తప్పు అనే సంగతి తెలుసుకోవడానికి అతడికి ఎంతో సమయం పట్టలేదు. తొలుత రెండు గంటల వరకు బాగానే ఎంజాయ్ చేశాడు. అప్పటి నుంచి అతడికి కష్టాలు మొదలయ్యాయి.

గంటలు గడుస్తున్నా స్తంభించిన అంగం మామూలు స్థితికి రావడంలేదు. డోస్ ఎక్కువైందేమో.. కాస్సేపటికి వస్తుందిలే అనుకున్నాడు. కానీ నిమిషాలు గంటలవుతున్నాయి.. గంటలు రోజులుగా మారుతున్నాయి.. కానీ అతడి పరిస్థితిలో మాత్రం మార్పు లేదు. రెండు రోజులైనా అది అలాగే ఉండిపోవడంతో తీవ్ర ఆందోళనకు గురై వెంటనే ఆస్పత్రికి పరిగెట్టాడు. పోలారిస్ ను పరీక్షించిన వైద్యులు.. అతడు ప్రియాపిస్మ్ అనే రుగ్మతతో బాధపడుతున్నట్టు గుర్తించారు. దీనికి వెంటనే చికిత్స తీసుకోకుండే శాశ్వతంగా అతడి అంగం చచ్చుబడే ప్రమాదం ఉందని హెచ్చరించారు.

చికిత్సలో భాగంగా పొలారిస్ నరకం అనుభవించాడు. ఎలాంటి మత్తు మందు ఇవ్వకుండా నేరుగా అతడి అంగంలోకి సూదులు గుచ్చి అందులోని రక్తాన్ని బయటకు తీయడానికి ప్రయత్నించారు. దీంతో నొప్పి భరించలేక తాను పడిన బాధ వర్ణనాతీమని పొలారిస్ స్వయంగా పేర్కొన్నాడు. రెండు వారాలైనా అతడి సమస్య తీరలేదు. ఈలోగా దగ్గరున్న డబ్బులు మొత్తం అయిపోయాయి.

ఈ నేపథ్యంలో అతడి స్నేహితుడు గోఫండ్ మీ పేజ్ లో పొలారిస్ సమస్యను ప్రస్తావిస్తూ నిధుల సమీకరణ ప్రయత్నాలు ప్రారంభించాడు. ప్రస్తుతం పొలారిస్ ఆస్పత్రిలో చేరి మూడు వారాలు గడిచింది. ఇప్పుడిప్పుడే కాస్త ఫలితం కనిపిస్తోందని చెప్పాడు. ఈ వివరాలన్నింటినీ అతడు తన ఇన్ స్టాగ్రాంలో పంచుకున్నాడు. తనకు సహకరించిన అందరికీ ధన్యవాదాలు తెలిపాడు. తనలా ఎవరికీ కాకూడదని, ఇలాంటి విషయాల్లో జాగ్రత్తగా ఉండాలని సూచించాడు.