సోనియా ఆకుల.. బిగ్ బాస్ తెలుగు సీజన్-8 ఎలిమినేటెడ్ కంటెస్టెంట్. అయితే ఆమె ఎలిమినేట్ అయిన తర్వాత బిగ్ బాస్ మీద సంచలన ఆరోపణలు చేస్తోంది. కావాలనే బిగ్ బాస్ లో ఎడిటింగ్ లు చేసి.. తనను తప్పుగా చూపించారని.. వాస్తవానికి అక్కడ జరిగింది ఒకటి అయితే.. దాన్ని మార్చేసి ఎడిటింగ్ చేసి తనను బ్యాడ్ గా చూపించారని సంచలన వ్యాఖ్యలు చేసింది. ఈమె లాగానే గతంలో కూడా టోటల్ నెగెటివిటీతో ఎలిమినేట్ అయిన వారు చాలా మంది ఉన్నారు. కానీ వారెవరూ కూడా ఈమెలాగా గొంతెత్తలేదు. ఇప్పుడు సోనియా మాత్రం బయటకు వచ్చిన వెంటనే ఫైర్ అవుతోంది.
బిగ్ బాస్ అంటే పర్సనాలిటీ షో అనుకున్నా.. కానీ ఇంత ఘోరంగా చూపిస్తారని అనుకోలేదు. నేను అనుకున్న బిగ్ బాస్ ఒకటి.. నేను వెళ్లింది మరొకటి. బిగ్ బాస్ వల్ల నా ఇమేజ్ డ్యామేజ్ అయింది. నా క్యారెక్టర్ ను బ్యాడ్ గా చూపించారు. నా పర్సనల్ లైఫ్ ఎఫెక్ట్ అవుతుందని కూడా ఆలోచించకుండా ఇంత ఘోరంగా చూపిస్తారని అనుకోలేదు. గతంలో కూడా చాలా మందికి ఇలాగే జరిగిందని విన్నాను. మీరు కూడా బయటకు రండి. న్యాయం పోరాటం చేద్దాం. మన క్యారెక్టర్ ను బ్యాడ్ చేసి చూపిస్తే మన పర్సనల్ లైఫ్ ప్రాబ్లమ్ అవుతుంది అంటూ సోనియా ఆవేదన వ్యక్తం చేశారు.
ఉన్నది లేనట్టు.. లేనిది ఉన్నట్టు చూపించారు. బిగ్ బాస్ లో ఏది చూపిస్తే అది జనాలు నమ్ముతున్నారు. కానీ అది నిజం కాదు. అగ్రిమెంట్ ఉందని భయపడకండి.. నాకు కూడా అగ్రిమెంట్ ఉంది. అయినా సరే ఐ డోన్ట్ కేర్ అంటూ సోనియా సంచలన వ్యాఖ్యలు చేసింది. కావాలంటే ఆ వీడియోలను మొత్తం బయట పెట్టాలని.. అప్పుడు నిజాలు ప్రజలకు తెలుస్తాయని తెలిపింది సోనియా. బిగ్ బాస్ హౌస్ లోనే లైవ్ పెట్టండి అప్పుడు నిజాలు తెలుస్తాయి అంటూ ఆమె ఛాలెంజ్ విసిరారు. మరి ఆమె వ్యాఖ్యలపై బిగ్ బాస్ నిర్వాహకులు ఏమైనా స్పందిస్తారా లేదా అనేది చూడాలి.