ఆంధ్రప్రదేశ్ బీజేపీ తాజా అధ్యక్షుడు సోము వీర్రాజుకి జనసేన అధినేత పవన్ కళ్యాణ్ అంటే వీరాభిమానం. ఇది అందరికీ తెల్సిన విషయమే. ఈ రోజు జనసేన అధినేతను హైద్రాబాద్లో మర్యాదపూర్వకంగా కలిసిన సోము వీర్రాజు, ఆంధ్రప్రదేశ్కి సంబంధించి పలు కీలక అంశాలపై చర్చించారు. ఇందులో అమరావతి అంశం అత్యంత కీలకమైనది. ‘రాజధాని అంశం రాష్ట్ర పరిధిలోనిదేనని కేంద్రం హైకోర్టులో అఫిడవిట్ దాఖలు చేసినప్పటికీ, అమరావతి కోసం భూములిచ్చిన రైతుల్ని ఆదుకునేందుకు ఎలా ముందుకు వెళ్ళాలో బీజేపీ – జనసేన సంయుక్తంగా కార్యాచరణ సిద్ధం చేస్తాయి’ అని అన్నారు సోము వీర్రాజు.
ఇక్కడ, అత్యంత ఆసక్తికరమైన విషయమేంటంటే, ‘నరేంద్ర మోడీగారి ఆలోచనలను పవన్ కళ్యాణ్గారి నాయకత్వంలో ప్రజల ముందుకు తీసుకెళ్తామని సోము వీర్రాజు వ్యాఖ్యానించడం. సోము వీర్రాజు మాట తూలేశారా.? మనసులో మాటని బయటపెట్టారా.? అన్న విషయాన్ని పక్కన పెడితే, ఇదిప్పుడు టీడీపీ, వైసీపీ వర్గాల్లో కొంత ఆందోళనను సృష్టిస్తోన్న మాట వాస్తవం.
మామూలుగా అయితే, బీజేపీ.. ఆ పార్టీ అధినాయకత్వం ఆలోచనల మేరకు పనిచేయాల్సి వుంటుంది. కానీ, జనసేన పార్టీ అధినేత పవన్ కళ్యాణ్ నాయకత్వంలో మోడీ ఆలోచనల్ని ప్రజల ముందుకు తీసుకెళ్ళడమేంటట.? అంటే, ఇక్కడ మేటర్ క్లియర్. జనసేన అధినేత పవన్ కళ్యాణ్కి బీజేపీ అధినాయకత్వం అత్యంత ప్రత్యేకమైన ప్రాధాన్యతనిస్తోంది. ఈ మధ్యనే కేంద్రం కొత్త ఎడ్యుకేషనల్ పాలసీని తీసుకొచ్చిన విషయం విదితమే.
ఈ పాలసీకి సంబంధించి జనసేన అధినేత పవన్ కళ్యాణ్ సూచనల్ని పరిగణనలోకి తీసుకోవడం జరిగిందనీ, ఆ ఆలోచనల్ని ఎన్ఇపిలో పొందుపర్చామనీ స్వయంగా కేంద్ర మంత్రి పోఖ్రియాల్ వెల్లడించారు ట్విట్టర్ వేదికగా. ఓ ప్రాంతీయ పార్టీ అధినేత, పైగా.. రాజకీయ ప్రత్యర్థులు విమర్శిస్తున్నట్లు పోటీ చేసిన రెండు చోట్లా ఓడిపోయిన ఓ వ్యక్తి ఆలోచనల్ని కేంద్రం పరిగణనలోకి తీసుకోవడమా.? పైగా, కొత్త విద్యా విధానానికి సంబంధించి.!
ఇదొక్కటి చాలు, జనసేన అధినేత ఆలోచనలు ఎలా వుంటాయో చెప్పడానికి. బీజేపీ పెద్దలు, కేంద్ర ప్రభుత్వ పెద్దలు జనసేన అధినేతకు ఇచ్చిన, ఇస్తున్న ప్రాధాన్యతను గుర్తెరిగి, సోము వీర్రాజు ‘పవన్ కళ్యాణ్ నాయకత్వంలో’ అనే ప్రస్తావన తీసుకొచ్చారు. ‘బీజేపీలో జనసేన విలీనమైపోతుందట.. బీజేపీకి జనసేనాని అమ్ముడుపోయారట..’ అంటూ టీడీపీ, వైసీపీ మద్దతుదారుల సోషల్ మీడియాలో చేసే వెర్రి ప్రచారం.. జనసేన అధినేత స్థాయిని తగ్గిస్తుందా.? ఛాన్సే లేదు.
990339 681243I conceive this site has extremely great indited content material material posts . 599058
456891 626067Wohh just what I was seeking for, appreciate it for putting up. 503135
656232 585857This really is a outstanding weblog, would you be involved in doing an interview about just how you developed it? If so e-mail me! 43896