కరోనా మహమ్మారిని ఇప్పట్లో తరిమికొట్టడం సాధ్యం కాదని, దానితో కలిసి బతకడం అలవాటు చేసుకోవాల్సిందేనంటూ నేతల దగ్గర నుంచి న్యాయస్థానాల వరకు తేల్చి చెప్పేశాయి. ఎవరికి వారు తీసుకునే జాగ్రత్తలు వారికి రక్షణ అని వైద్య నిపుణులు కూడా స్పష్టం చేస్తున్నారు. విధిగా మాస్కులు ధరించడం, భౌతికదూరం పాటించడం, వ్యక్తిగత పరిశుభ్రతకు ప్రాధాన్యత ఇవ్వడం వంటి సూచనలు చేస్తున్నారు.
ప్రభుత్వాలు కూడా లాక్ డౌన్ ఎత్తివేత దిశగా వెళుతూ.. ఇప్పటికే 90 శాతం మేర సడలింపులు కూడా ఇచ్చేశాయి. తెలుగు రాష్ట్రాల్లో బస్సు ప్రయాణాలు మొదలుకాగా, ఈనెల 25 నుంచి దేశంలో విమానాలు కూడా తిరగనున్నాయి. ఇక జూన్ ఒకటి నుంచి రైళ్ల రాకపోకలు సాగనున్నాయి. అయితే, ఆయా ప్రయాణాల విషయంలో జాగ్రత్తలు తీసుకుంటున్నారు. మనిషికీ మనిషికీ మధ్య భౌతికదూరం ఉండేలా ఏర్పాట్లు చేస్తున్నారు. ఇద్దరు మనుషుల మధ్య కనీసం మూడు అడుగుల దూరం ఉండాలని తొలుత కొందరు నిపుణులు పేర్కొనగా.. అది సరిపోదని, కనీసం ఆరడుగుల దూరం ఉంటేనే మంచిదని మరికొందరు పేర్కొన్నారు.
కానీ, తాజాగా ఆరడుగుల భౌతికదూరం కూడా సరిపోదని ఓ అధ్యయనంలో వెల్లడైంది. గాలి సాధారణ వేగంలో ఉన్నప్పుడు కూడా వైరస్ ఉన్న వ్యక్తి దగ్గితే.. అతడి నోటి నుంచి వచ్చే సాలివా (తుంపర్లు) కనీసం 18 అడుగుల వరకు ప్రయాణిస్తుందని తేలింది. సిప్రస్ లోని యూనివర్సిటీ ఆఫ్ నికోసియా ఈ అంశంపై పరిశోధన నిర్వహించింది. గంటకు నాలుగు కిలోమీటర్ల వేగంతో గాలి వీస్తున్నప్పుడు కోవిడ్ వ్యక్తి మామూలుగా దగ్గినా కూడా.. అతడి నోటి నుంచి వెలువడే సాలివా 5 సెకన్లలో కనీసం 18 అడుగుల వరకు వెళుతుందని తాము గుర్తించినట్టు పరిశోధకులు వివరించారు.
ఆ సాలివా ప్రభావం వివిధ రకాల ఎత్తుల్లో ఉన్న పిల్లలు, పెద్దలపై ప్రభావం చూపిస్తుందని పేర్కొన్నారు. ముఖ్యంగా తక్కువ ఎత్తు ఉన్న పెద్దలతోపాటు పిల్లలపై అధిక ప్రభావం పడుతుందని తెలిపారు. తొలుత ఈ వైరస్ గాలి ద్వారా వ్యాప్తి చెందే అవకాశం లేదని శాస్త్రవేత్తలు పేర్కొన్నా.. అనంతరం ఇది గాలిలో మూడు గంటల వరకు జీవించి ఉండగలదని గుర్తించారు. మొత్తానికి ఈ మహమ్మారిని ఎదుర్కోవడానికి ప్రస్తుతం మనం పాటించే భౌతికదూరం సరిపోదని తేలింది. వైరస్ ను నిరోధించే నాణ్యత కలిగిన మాస్కు ధరించడంతోపాటు జన సమూహానికి ఎంత దూరంగా ఉంటే అంత మంచిదని పలువురు సూచిస్తున్నారు.
685560 126434Low-cost Gucci Handbags Is usually blogengine a lot much better than wp for reasons unknown? Ought to be which is turning out to be popluar today. 254417
453157 960343definitely like your web internet site but you require to check the spelling on several of your posts. Several of them are rife with spelling troubles and I discover it quite troublesome to tell the truth nevertheless I will surely come back again. 544888