భారీ బడ్జెట్ వెనక్కి – తెలంగాణ ఫిల్మ్ ముందుకి @ నాని

యంగ్ హీరో నాని సినిమాలు చేయడంలో చాలా దూకుడుగా వెళ్తున్న సంగతి అందరికీ తెలిసిందే. నన్ను ఒక సినిమా సెట్స్ పై ఉండగానే నెక్స్ట్ సినిమాకి సంబందించిన అన్నీ రెడీ చేసుకుంటారు, ఈ సెట్లో ప్యాకప్ అవ్వగానే, నెక్స్ట్ మూవీ సెట్లో ప్రత్యక్షం అవుతారు. అంత పగడ్బందీగా వెళ్తున్న నాని ప్లానింగ్ ని కూడా కరోనా లాక్ డౌన్ తారుమారు చేసింది. నాని నటించిన ‘వి’ రిలీజ్ కావాల్సి ఉంది. ఇప్పటికే తదుపరి సినిమా ‘టక్ జగదీష్’ సినిమా రెండు షెడ్యూల్స్ ఫినిష్ చేసాడు.

ఈ సినిమా తర్వాత ‘టాక్సీవాలా’ ఫేమ్ రాహుల్ సంకీర్త్యన్ డైరెక్షన్ లో ‘శ్యామ్ సింగ రాయ్’ సినిమా చేయడానికి గ్రీన్ సిగ్నల్ ఇచ్చాడు. కానీ ఈ సినిమా మొత్తం పశ్చిమ బెంగాల్, కోల్ కతా మరియు అబ్రాడ్ లో షూట్ చేయాల్సిన భారీ బడ్జెట్ ఫిల్మ్. కావున ఇప్పుడప్పుడే అవుట్ స్టేషన్ షూటింగ్స్ కి పర్మిషన్ వచ్చే అవకాశం లేదు. అందుకే ఈ సినిమా షూటింగ్ ని వచ్చే ఏడాదికి వాయిదా వేయాలనే ఆలోచనలో నాని ఉన్నట్లు తెలుస్తోంది.

జూన్ నుంచి తక్కువ మందితో ఇరు తెలుగు రాష్ట్రాల్లో షూటింగ్స్ కి పర్మిషన్ దొరికే అవకాశం ఎక్కువగా కనిపిస్తోంది. కావున నాని కూడా టక్ జగదీష్ షూటింగ్ ఫినిష్ చేసాక ఇటీవలే ఓకే చెప్పిన శ్రీకాంత్ ఓడెల డైరెక్షన్ లో సినిమా చేయనున్నాడు. ఈ సినిమా ఎక్కువ భాగం తెలంగాణలోనే జరుగుతుంది, అంతే కాకుండా నాని మొదటిసారి పూర్తి తెలంగాణ యాసలో మాట్లాడనున్న సినిమా ఇది. షూటింగ్స్ కి గ్రీన్ సిగ్నల్ రాగానే ఈ విషయంపై అధికారిక ప్రకటన వెలువడనుంది.