చార్మింగ్ స్టార్ Sharwanand నటించిన లేటెస్ట్ చిత్రం Baiker బాక్సాఫీస్ వద్ద విజయవంతంగా దూసుకెళ్తోంది. ఏప్రిల్ 3న విడుదలైన ఈ సినిమా ప్రేక్షకులు, విమర్శకుల నుంచి మంచి స్పందన పొందుతూ సక్సెస్ ఫుల్గా రన్ అవుతోంది. ఈ సందర్భంగా చిత్ర యూనిట్ థాంక్యూ మీట్ నిర్వహించి ఆనందాన్ని పంచుకుంది.
ఈ కార్యక్రమంలో హీరో శర్వా మాట్లాడుతూ, “బైకర్ తెలుగు సినిమా గర్వపడేలా ఉంటుందని ముందే చెప్పాం. ఆ మాట నిలబెట్టుకున్నాం. ఫ్యామిలీ ఆడియన్స్, యూత్ ఇంత అద్భుతంగా ఆదరించడం చాలా ఆనందంగా ఉంది” అన్నారు. మంచి ఫ్యామిలీ ఎమోషన్స్తో కూడిన ఈ సినిమా మౌత్ టాక్తో ముందుకు వెళ్తోందని, ప్రేక్షకుల ప్రేమే దీనికి ప్రధాన కారణమని తెలిపారు.
దర్శకుడు Abhilash Reddy ఈ చిత్రాన్ని ఫాదర్-సన్ ఎమోషన్స్తో పాటు రేసింగ్ బ్యాక్డ్రాప్లో తెరకెక్కించారని, ఆ ఎమోషన్స్ ప్రేక్షకులకు బాగా కనెక్ట్ అవుతున్నాయని శర్వా చెప్పారు. ముఖ్యంగా Dr. Rajasekhar పోషించిన పవర్ఫుల్ పాత్ర సినిమాకు బలంగా నిలిచిందని ప్రశంసించారు. సంగీత దర్శకుడు జిబ్రాన్, టెక్నికల్ టీమ్ అందరూ కలిసి సినిమాను హాలీవుడ్ స్థాయిలో తీర్చిదిద్దారని అన్నారు.
డాక్టర్ రాజశేఖర్ మాట్లాడుతూ, ఈ సినిమా విజయంలో దర్శకుడు అభిలాష్ రెడ్డి పాత్ర ఎంతో కీలకమని, శర్వా, మాళవిక నాయర్ చేసిన నటన అద్భుతంగా ఉందని చెప్పారు. “ఇంకా సినిమా చూడని వారు కుటుంబంతో కలిసి థియేటర్లలో చూసి ఎంజాయ్ చేయండి” అని ప్రేక్షకులను ఆహ్వానించారు.
దర్శకుడు అభిలాష్ రెడ్డి మాట్లాడుతూ, ప్రీమియర్స్ నుంచే సినిమాకు మంచి స్పందన వస్తోందని, ఫ్యామిలీ ఆడియన్స్ పెద్ద ఎత్తున థియేటర్లకు రావడం ఆనందంగా ఉందన్నారు. ఈ సమ్మర్ మొత్తం బైకర్ సినిమాదే అవుతుందని ఆశాభావం వ్యక్తం చేశారు.
హీరోయిన్ మాళవిక నాయర్ మాట్లాడుతూ, సినిమాకు వస్తున్న ప్రేమకు కృతజ్ఞతలు తెలుపుతూ, కుటుంబ భావోద్వేగాలు ప్రేక్షకులను బలంగా ఆకట్టుకుంటున్నాయని చెప్పారు. అలాగే నటుడు నిరూప్ తన మొదటి తెలుగు చిత్రానికి లభిస్తున్న స్పందనపై ఆనందం వ్యక్తం చేశారు.
ఫ్యామిలీ ఎంటర్టైనర్గా రూపొందిన బైకర్ మంచి మౌత్ టాక్తో ముందుకు సాగుతూ, అన్ని వర్గాల ప్రేక్షకులను ఆకట్టుకుంటోంది.