మడ అడవి నాశనం – కాకినాడ ప్రజల గోడు పట్టించుకోని వైస్ జగన్ ప్రభుత్వం

సముద్రతీర ప్రాంతాల్లో వరదలు, తుపాన్లు వంటి ప్రకృతి వైపరీత్యాలు వచ్చినప్పుడు తీర ప్రాంత గ్రామాలకు, నగరాలకు పెట్టని గోడలా రక్షణ కల్పించే మడ అడవులని నామరూపాల్లేకుండా చేస్తోంది ప్రస్తుత ఏపీ సర్కార్. దీనికి వైసీపీ ప్రభుత్వం చూపుతున్న ఒకే ఒక్క కారణం పేదలకు ఇళ్లస్థలాలు ఇవ్వడం, అక్కడ వారికి పక్కా ఇల్లు కట్టించడం.

తీరప్రాంతాల్లో పర్యావరణాన్ని, జలచరాల సంతతి పెంపొందించడానికి తగిన వాతావరణాన్ని కాపాడటానికి ఎంతగానో దోహదపడే ఈ మడ అడవుల్ని భవిష్యత్‌ ప్రయోజనాలను పట్టించుకోకుండా నాశనం చేయడం కరెక్ట్ కాదని ఎవరు ఎంత మొర పెట్టుకుంటున్నా వైస్ జగన్ ప్రభుత్వం మాత్రం ఏ మాత్రం పట్టించుకోవడం లేదు.

దాంతో అక్కడి ప్రజలు ఈ మడ అడవుల నాశనాన్ని ఇకనైనా ఆపాలని, ఈ విషయాన్ని ఇంటర్నేషనల్ లెవల్లో తమ వాయిస్ వినిపించాలని పలు వీడియోస్ ద్వారా ఈ విషయాన్ని వీలైనంత మందికి చేరువచేసే ప్రయత్నాలు చేస్తున్నారు. మరోవైపు టీడీపీ నేత చంద్రబాబు నాయుడు ‘ఐక్యరాజ్యసమితి గుర్తించిన మడ అడవులను పేదల ఇళ్ల స్థలాల పేరిట వైసీపీ ప్రభుత్వం నాశనం చేస్తోంది. ఒకవేళ రేపు ఆ ప్రాంతాల్లో ఉపద్రవం వస్తే వారిని ఎవరు కాపాడతారని’ వైఎస్ జగన్ సర్కార్ ని ప్రశ్నించారు.

మరోవైపు ‘చట్టాలు అడవుల్ని నాశనం చేసే హక్కు ఎవరికీ లేదని, అలా చేస్తే వారు శిక్షార్హులు అని చెప్పారు. కానీ ఇక్కడ కొన్ని వందల ఎకరాల అడవిని నాశనం చేస్తుంటే పట్టించుకోవట్లేదు. కాకినాడని త్వరలోనే సముద్ర గర్భంలో కలిపేయడానికి ఏపీ ప్రభుత్వం చేస్తున్న ఒక భూటకమే ఈ పేదలకు ఇల్లు ఇవ్వడం అనే కాన్సెప్ట్ అని’ కాకినాడ ప్రజలు తమ ఆవేదనని తెలియజేస్తున్నారు.

మడ అడవుల గుండె చప్పుడు:

Simple explainer video from an environmentally conscious young man who has a lesson or two to teach the Chief Minister of Andhra Pradesh #SaveMadaForestFromJagan pic.twitter.com/4bWDWx2fyb

— N Chandrababu Naidu #StayHomeSaveLives (@ncbn) May 12, 2020