Santosh Sobhan: సంతోష్ శోభన్ హీరోగా తెరకెక్కుతున్న సినిమా ‘కపుల్ ఫ్రెండ్లీ’. యూవీ క్రియేషన్స్ సమర్పణలో యూవీ కాన్సెప్ట్స్ సినిమాను నిర్మిస్తోంది. సంతోష శోభన్ పుట్టినరోజు సందర్భంగా బర్త్ డే గ్లింప్స్, టైటిల్ లుక్ రిలీజ్ చేసింది చిత్ర బృందం. ఈ సందర్భంగా హీరోకు పుట్టినరోజు శుభాకాంక్షలు తెలిపింది యూనిట్. సినిమాలో సంతోష్ శోభన్ కు జోడీగా మిస్ ఇండియా-2020 మానస వారణాసి హీరోయిన్ గా నటిస్తోంది.
చెన్నై నేపథ్యంలో సాగే ప్రేమకథతో ‘కపుల్ ఫ్రెండ్లీ’ సినిమా ఉండబోతోంది. టైటిల్ లుక్ పోస్టర్లో చెన్నై సెంట్రల్ స్టేషన్ దగ్గరలోని రెసిడెన్షియల్ ఏరియాను చూపించడం ఆసక్తి రేకెత్తిస్తోంది. ప్రేమ నేపథ్యంలో యూత్ ఫుల్ ఎంటర్ టైనర్ గా తెరకెక్కుతున్న సినిమాకు దర్శకుడు అశ్విన్ చంద్రశేఖర్. ప్రస్తుతం సినిమా రెగ్యులర్ షూటింగ్ జరుగుతోంది. యూత్ ఫుల్ సబ్జెక్ట్ తో తెరకెక్కుతున్న సినిమాను 2025 ఫిబ్రవరి 14న వాలెంటైన్స్ డే సందర్భంగా విడుదల చేసేందుకు ప్లాన్ చేసింది టీమ్. సినిమాకు సంగీతం ఆదిత్య రవీంద్రన్ అందిస్తున్నారు.