పాన్ ఇండియా స్టార్ ప్రభాస్ హీరోగా తెరకెక్కుతున్న భారీ ప్రాజెక్ట్ ‘స్పిరిట్’ గురించి దర్శకుడు సందీప్ రెడ్డి వంగా తాజా అప్డేట్ ఇచ్చారు. ఆయన మాట్లాడుతూ ఈ సినిమా కోసం ఇప్పటికే 70 శాతం బ్యాక్గ్రౌండ్ మ్యూజిక్ పూర్తి అయింది అని వెల్లడించారు. ఈ అప్డేట్ విన్న అభిమానులు ఆనందంతో మునిగిపోయారు.
సందీప్ రెడ్డి వంగా మాట్లాడుతూ, “ప్రభాస్ చాలా స్వచ్ఛమైన మనసున్న వ్యక్తి. చాలా సింపుల్గా, స్వీట్గా ఉంటారు. ఆయనతో పని చేయడం నిజంగా ఆనందం” అని అన్నారు. ఈ మాటలు సోషల్ మీడియాలో వైరల్ అవుతున్నాయి.
ఇకపోతే, ‘స్పిరిట్’ షూటింగ్ త్వరలోనే ప్రారంభం కానుందని దర్శకుడు తెలిపారు. ఇప్పటి వరకు ప్రభాస్ చేసిన సినిమాలలో ఇది ప్రత్యేకమైనదిగా నిలుస్తుందని టీమ్ నమ్మకంగా చెబుతోంది.
‘స్పిరిట్’ సినిమాను ప్రముఖ బ్యానర్ టీ-సిరీస్ నిర్మిస్తోంది. భారీ బడ్జెట్ తో రూపొందుతున్న ఈ సినిమా పై ఇప్పటికే దేశవ్యాప్తంగా భారీ అంచనాలు ఏర్పడ్డాయి. ముఖ్యంగా సందీప్ రెడ్డి వంగా స్టైల్ దర్శకత్వంలో ప్రభాస్ యాక్షన్ ఎలా ఉంటుందో అని అభిమానులు ఉత్సాహంగా ఎదురుచూస్తున్నారు.
‘అనిమల్’ వంటి బ్లాక్బస్టర్ తర్వాత వంగా దర్శకత్వం వహిస్తున్న ఈ చిత్రం పాన్ ఇండియా స్థాయిలో ప్రభాస్ కెరీర్లో మరో మైలురాయిగా నిలుస్తుందని ట్రేడ్ వర్గాలు భావిస్తున్నాయి.