Salman Khan: ప్రస్తుత రోజుల్లో ఫ్యాషన్ కు కాదేదీ అనర్హం. ఫ్యాషన్ గా ఉండేందుకు ఎంతైనా ఖర్చు పెడుతున్నారు. ట్రెండీగా కనిపించేందుకు స్టయిలింగ్ కోసం ఎంత దూరమైనా వెళ్తున్నారు. ఇలా చేస్తేనే ఉచితంగా గుర్తింపు కూడా వచ్చేస్తుంది. ఇందులో సినీ సెలబ్రిటీలు మరీ ముందుంటారు. అసలు.. ఫ్యాషన్లు మొదలయ్యేదే భారతదేశంలో సినీ సెలబ్రిటీల దగ్గర నుంచి. ఇప్పుడు బాలీవుడ్ సూపర్ స్టార్ సల్మాన్ ఖాన్ అదే పని చేస్తున్నారు. తాను ధరించిన షూ గురించే ఇప్పుడు నెట్టింట పెద్ద చర్చ.
చిరిగిపోయి, మాసిపోయి ఉన్న షూ దరించారు సల్మాన్. ఇదేమిటీ..? సల్మాన్ ఖాన్ ఏంటీ.. అలా మాసిపోయి చిరుగు ఉన్న షూ ధరించడమేంటీ అనుకుంటున్నారా? ఇప్పుడు అదొక లేటెస్ట్ ఫ్యాషన్ మరి. ప్రముఖ బ్రాండ్ ‘బాలెన్సియాగా’ నుంచి తయారైన షూ ఆయన ధరించారు. ఇవి చూసేందుకు చిరిగిపోయి.. కొరుకుడు వచ్చేశాయి. పైగా.. మాసిపోయి ఉన్నాయి. కానీ, వీటి ధర రూ.1.20 లక్షల నుంచి 1.50 లక్షలు. అంతటి ఖరీదైన షూ అంటే మెరిసిపోతూ ఉండాలి, లేదంటే చాలా క్లాసీగా కనిపించాలి.
కానీ, సల్మాన్ ఎంత ఫిట్ గా ఫ్యాషన్ గా ఉన్నారో.. షూ అంతగా చూసేందుకు పాడైపోయినట్టు ఉన్నాయి. అయితేనేం.. లేటెస్ట్ ఫ్యాషన్ మరి. సినిమాల్లో ఎన్నో ట్రెండీ లుక్స్, డ్రెస్ డిజైనింగ్ లో ఫ్యాషన్ ని ఇంట్రొడ్యూస్ చేసిన సల్మాన్ మరి ఈ కొత్త రకం షూస్ తో వార్తల్లో నిలిచారు. మరి.. ఈ షూస్ మార్కెట్లో ట్రెండ్ సృష్టిస్తాయా.. ఆయన అభిమానులు వీటిని కొనుక్కుని ధరించేందుకు ఇష్టపడతారా..? అనేవి వేచి చూడాలి. ప్రస్తుతానికైదే గ్లోబల్ మార్కెట్లో ట్రెండింగ్ లో ఉన్నాయి.