దర్శక ధీరుడు రాజమౌళి తెరకెక్కిస్తున్న ఆర్ ఆర్ ఆర్ సినిమా ప్రస్తుతం బల్గెరియాలో షూటింగ్ జరుపుకుంటున్న సంగతి తెలిసిందే. నిన్నటితో షూటింగ్ అక్కడ పూర్తయింది. ఈ రోజు టీమ్ మొత్తం హైద్రాబాద్ చేరుకున్నారు. తదుపరి షెడ్యూల్ ని హైద్రాబాద్ లో ప్లాన్ చేసారు. ఈ షెడ్యూల్ తో సినిమా దాదాపు సగానికి పైగా పూర్తయినట్టే. ఎన్టీఆర్, రామ్ చరణ్ హీరోలుగా నటిస్తున్న ఈ సినిమా ఫస్ట్ లుక్ ని దసరా సందర్బంగా విడుదల చేయనున్నారట.
దాదాపు 400 కోట్ల భారీ బడ్జెట్ తో తెరకెక్కుతున్న ఈ సినిమా పై ఇప్పటికే భారీ అంచనాలు నెలకొన్నాయి. బాహుబలి లాంటి సంచలన విజయం తరువాత రాజమౌళి తెరకెక్కిస్తున్న ఈ సినిమా ఒక్క టాలీవుడ్ లోనే కాదు దేశ వ్యాప్తంగా అంచనాలు పెంచింది. రామ్ చరణ్ అల్లూరి సీతారామరాజు గా కనిపిస్తే .. ఎన్టీఆర్ కొమరం భీం గా కనిపించనున్నాడు.
Also Read: ఆర్ఆర్ఆర్: ఎన్టీఆర్ ‘కొమరం భీమ్’ లుక్ చూశారా.?
బాలీవుడ్ భామ శ్రద్ధ కపూర్ ఓ హిరోయిన్ గా నటిస్తుండగా మరో హీరోయిన్ ఎవరన్నది తెలియాల్సి ఉంది. డివివి ఎంటర్ టైనేమెంట్స్ బ్యానర్ పై డివివి దానయ్య నిర్మిస్తున్నాడు. వచ్చే ఏడాది జులై 30న సినిమాను విడుదల చేయనున్నారు.