వీరేందర్ సెహ్వాగ్.. క్రికెట్లో దూకుడుకి కేరాఫ్ అడ్రస్గా నిలిచాడు. దాదాపుగా ప్రపంచ క్రికెట్లో మేటి బౌలర్లందర్నీ భయపెట్టాడు. మరీ రాక్షసంగా బౌలర్లతో ఆడుకున్నాడు. సెహ్వాగ్ ఫామ్లో వుంటే, బౌలింగ్ చేయడానికి ఎంత మేటి బౌలర్ అయినా వణికిపోవాల్సిందే. టెస్ట్, వన్డే.. ఇలా తేడాలేమీ వుండేవి కాదు సెహ్వాగ్కి. బంతి కన్పిస్తే, దాన్ని బౌండరీ దాటించడమే లక్ష్యంగా పెట్టుకునేవాడు వీరేందర్ సెహ్వాగ్. కెరీర్లో ఎన్నో ఎత్తుపల్లాలు చవిచూసి, లెజెండరీ క్రికెటర్.. అనదగ్గ స్థాయికి ఎదిగాడు.
సెహ్వాగ్తో పోల్చితే, రోహిత్ శర్మ ‘వీరబాదుడు’లో తక్కువేమీ కాదు. ప్రత్యర్భి బౌలర్ మీద దయాదాక్షిణ్యాల్లేకుండా విరుచుకుపడ్డంలో రోహిత్ శర్మకీ ఘనమైన రికార్డ్ వుంది. కొన్ని విషయాల్లో ఇద్దరికీ పోలికలు వున్న మాట వాస్తవం. అయితే, క్రికెట్లో సెహ్వాగ్తో రోహిత్ శర్మని పోల్చకూడదని క్రికెట్ విశ్లేషకులు అభిప్రాయపడ్తున్నారు. అందుక్కారణం, హిట్మ్యాన్ టెస్ట్ కెరీర్.
ఫామ్లో వుంటే, రోహిత్ శర్మని ఆపడం కష్టం. అయితే, ఆ ఫామ్ని అతను ఎంత కాలం కొనసాగిస్తాడన్నది ఎప్పటికప్పుడు సస్పెన్స్. సెహ్వాగ్ పరిస్థితి అది కాదు. కొట్టేవాడు, కొడుతూనే వుండేవాడు. ప్రత్యర్థిని మేగ్జిమమ్ డ్యామేజీ చేసేసేవాడు. కొన్ని మ్యాచ్లలో ఫెయిల్ అయినాసరే, సెహ్వాగ్ జట్టులో వున్నాడంటే ప్రత్యర్థి జట్లు వణికేవి.
ఆ సంగతి పక్కన పెడితే, రోహిత్ టెస్టుల్లో తనకు దక్కిన అవకాశాన్ని సద్వినియోగం చేసుకున్నాడు. టెస్ట్ మ్యాచ్ని కూడా వన్డే తరహాలో ఆడాడు. కొన్ని నిర్లక్ష్యంతో కూడిన షాట్లు ఆడినాసరే, నిలబడ్డాడు.. సత్తా చాటాడు. ఈ ఫామ్ టెస్టుల్లో రోహిత్ శర్మ కొనసాగించగలిగితే.. సెహ్వాగ్తో పోల్చదగ్గ స్థాయికి ఆ మాటకొస్తే, అంతకంటే ఉన్నత స్థితికి టెస్టుల్లో రోహిత్ శర్మ ఎదగగలుగుతాడు.
182281 397554Some truly howling function on behalf with the owner of this web site , dead wonderful topic matter. 386551
807970 802842This constantly amazes me exactly how blog owners for example yourself can uncover the time and also the commitment to maintain on composing wonderful blog posts. Your website isexcellent and one of my own ought to read blogs. I basically want to thank you. 645111