ఆర్జీవీ ‘క్లైమాక్స్‌’ – మియా మల్కోవా కొత్తగా ఏం చూపించింది.!

సంచలనాలకు మారు పేరు రామ్ గోపాల్‌ వర్మ. ఒకప్పుడు రామ్ గోపాల్‌ వర్మ నుంచి సినిమా వస్తోందంటే, ఆయన అభిమానులు థియేటర్లకు పోటెత్తేవారు. ఇప్పుడు అభిమానులనేవారు వర్మ సినిమాలకు చాలా దూరంగా వుంటున్నారు. ఆయా సినిమాలతో వర్మ చేసే పబ్లిసిటీ స్టంట్లకు ఫిదా అయ్యేవాళ్ళే థియేటర్ల వద్ద కన్పిస్తున్నారు. ఆర్జీవీ అంటే ఓ సంచలనం. ఆర్జీవీని ఇప్పటికీ చాలామంది గురూజీ అని భావిస్తారు. కానీ, ఆర్జీవీ ప్రస్తుతం తీస్తోన్న సినిమాలు కావొచ్చు, వెబ్‌సిరీస్‌లు కావొచ్చు.. వాటిని చూసి ఆ శిష్యులే ముక్కున వేలేసుకుంటున్నారు. అయినాగానీ, ఆర్జీవీ రూటే సెపరేటు.

మొన్నామధ్య ‘జిఎస్‌టి’ అంటూ (గాడ్‌ సెక్స్‌ ట్రూత్‌) అనే వెబ్‌ సిరీస్‌ లాంటిది తీసిన వర్మ, అదే అడల్ట్‌ స్టార్‌ మియా మల్కోవాతో ‘క్లైమాక్స్‌’ తీశాడిప్పుడు. టీజర్‌ వచ్చేసింది.. తాజాగా, ఓ పాట తాలూకు ప్రమో కూడా రిలీజ్‌ చేశాడు. టీజర్‌లో ఏముంది.? సాంగ్‌ ప్రోమోలో ఏముంది.? అని ఆరా తీస్తే, మియా మల్కోవా మార్క్‌ అడల్ట్‌ కంటెంట్‌ తప్ప ప్రత్యేకంగా ఏమీ కన్పించడంలేదు.

షార్ట్‌ ఫిలింస్‌, వెబ్‌ సిరీస్‌లతో పోల్చితే, అద్భుతమైన మేకింగ్‌ కూడా వున్నట్లు కన్పిడంచడంలేదు ప్రోమోస్‌లో. ఇక, మియా మల్కోవాలో కూడా కొత్తగా చూపించడానికేమీ లేదు. ఆమె ఓ పోర్న్‌ స్టార్‌. అడల్ట్‌ ఎంటర్‌టైన్‌మెంట్‌ విభాగంలో ఆమె చెయ్యాల్సిందంతా చేసేసింది.. చూపించాల్సిందంతా చూపించేసింది. మనోళ్ళకి ఇవన్నీ కొత్త గనుక, దీని కోసం ఎగబడ్తారని అనుకుంటే ఎలా.?

స్మార్ట్‌ ఫోన్‌ చేతిలో వున్న ప్రతివాడికీ మియా మల్కోవా ‘అడల్ట్‌ వీడియోలూ’ అందుబాటులోనే వుంటాయ్‌. పాపం వర్మ మాత్రం, మియా మల్కోవా డెడికేషన్‌ గురించీ, ఆమె అందం గురించీ మాట్లాడుతున్నాడు. ప్చ్‌.. వర్మ అలా తయారయ్యాడు చివరికి.