మహేష్బాబు 25వ చిత్రం మహర్షి పూర్తి అయిన వెంటనే సుకుమార్ దర్శకత్వంలో తన 26వ చిత్రంను చేయాల్సి ఉంది. ఇద్దరి మద్య దాదాపు ఆరు నెలల చర్చలు జరిగాయి. అదిగో ఇదిగో అంటూ సుకుమార్ను వెయిటింగ్లో పెట్టిన మహేష్బాబు చివరకు క్రియేటివ్ డిఫరెన్స్ వల్ల సుకుమార్తో సినిమా చేయలేక పోతున్నాను అంటూ సోషల్ మీడియా ద్వారా ప్రకటించాడు. ఆ ప్రకటన ముందు ఇద్దరి మద్య కాస్త వివాదం చోటు చేసుకుందని అంతా అనుకున్నారు. ఇంతకు మహేష్బాబు ఎందుకు సుకుమార్ మూవీని వద్దన్నాడు అనే విషయంపై క్లారిటీ ఇవ్వలేదు.
ఎట్టకేలకు ఆ విషయమై స్పష్టత వచ్చింది. అల్లు అర్జున్ 20వ చిత్రం ‘పుష్ప’ ఫస్ట్లుక్ రావడంతో మహేష్, సుకుమార్ల కాంబో మూవీ ఎందుకు సెట్స్ పైకి వెళ్లలేదు అనే విషయం అందరికి అర్థం అవుతుంది. మహేష్బాబును ప్రేక్షకులు ఎక్కువగా క్లాసీ లుక్లోనే చూడాలనుకుంటున్నారు.
మహేష్ లుక్ పరంగా ఏమాత్రం సాహసం చేసేందుకు సిద్దంగా లేడు. కాస్త అటు ఇటుగా కాస్ట్యూమ్స్ మారిస్తే మారుస్తాడేమో కాని లుక్ పరంగా అయితే అస్సలు కొత్తదనంను మహేష్ ప్రయత్నించడు.
పుష్ప చిత్రం కోసం బన్నీ ఎలా మారాడో ఫస్ట్లుక్లోనే చూశాం. అల్లు అర్జున్ లుక్ చూసిన తర్వాత ఇలా మహేష్బాబు ఉంటే ఎలా ఉంటాడు అనే చర్చ జరుగుతోంది. మహేష్ బాబును ఇలా మాస్ లుక్లో లారీ డ్రైవర్గా సుకుమార్ చూపించాలనుకుంటే ప్రేక్షకులు చూసేవారా అనే అనుమానం కలుగుతుంది. ఈ అనుమానం ముందు నుండే మహేష్బాబుకు కలగడం వల్ల ప్రయోగం వద్దనుకున్న మహేష్బాబు తన వల్ల కాదని ఇది చరణ్ లేదా బన్నీకి అయితే బాగుంటుందని అన్నాడట.
చరణ్ ఈ ప్రాజెక్ట్పై ఆసక్తి చూపించినా ఆర్ఆర్ఆర్ ప్రాజెక్ట్ చేతిలో ఉండటం వల్ల బన్నీకి వదిలేశాడు. బన్నీ పుష్పక్ నారాయణ్ పాత్రలో సరిగ్గా సెట్ అయ్యాడని ఫస్ట్లుక్తోనే క్లారిటీ వచ్చేసింది.
388107 892968Some truly wonderful articles on this web site , appreciate it for contribution. 659851
472451 285723An extremely interesting examine, I might not agree completely, but you do make some quite legitimate factors. 81701