ఆంధ్రప్రదేశ్ సీఎం వైఎస్ జగన్ మోహన్ రెడ్డి బుధవారం సాయంత్రం ప్రజలను ఉద్దేశించి మాట్లాడారు. ఇందుకు సంబంధించి ఓ వీడియో విడుదల చేశారు. కరోనా లక్షణాలు కనిపిస్తే వెంటనే వచ్చి వైద్య పరీక్షలు చేయించుకోవాలని, కరోనా రోగులను చిన్నచూపు చూడొద్దని, అది కూడా ఫ్లూ వంటి జ్వరమేనని పేర్కొన్నారు.
సాధారణంగా ఇలాంటి అంశాలపై ప్రెస్ మీట్ పెట్టి మాట్లాడటం ఏ ముఖ్యమంత్రైనా చేస్తుంటారు. మరి జగన్ అలా కాకుండా వీడియో సందేశం ఇవ్వడంలో ఆంతర్యం ఏమిటని సందేహాలు వెల్లువెత్తాయి. సోషల్ మీడియాలో అయితే ఆయనపై వైరి వర్గాలు ట్రోలింగ్ కూడా చేశాయి. మీడియాను ఎదుర్కోలేని సీఎం అంటూ సెటైర్లు వేశారు. ఈ వీడియోలో మాట్లాడటానికి రిహార్సల్స్ చేశారా అంటూ వ్యంగ్య బాణాలు సంధించారు.
నిజానికి మీడియాతో మాట్లాడటానికి జగన్ అంత సుముఖత చూపించరు. ఆయనకు సొంత మీడియా హౌస్ ఉన్నప్పటికీ, మీడియావాళ్లతో ఇంటరాక్ట్ కావడానికి ఆసక్తి కనబరచరు. సీఎంగా లేనప్పుడు కూడా జాతీయ మీడియాతో మాట్లాడటానికే జగన్ ప్రాధాన్యత చూపించేవారు. ఇక సీఎంగా పగ్గాలు చేపట్టిన 10 నెలల తర్వాతే ఆయన మీడియా ముందుకొచ్చారు.
కరోనా కారణంగా స్థానిక సంస్థల ఎన్నికలు వాయిదా పడటంతో ఎస్ఈసీ వైఖరిపై మాట్లాడటానికి మీడియా ముందుకొచ్చారు. తర్వాత రెండు సార్లు కరోనాపై మాట్లాడారు. ఈ సందర్భంగా కొన్ని అంశాల్లో తప్పలు మాట్లాడటంతో సోషల్ మీడియాలో విపరీతంగా ట్రోలింగ్ జరిగింది. ఈ నేపథ్యంలో బుధవారం తాను చెప్పదలుచుకుంది రికార్డు చేసి, ఆ వీడియోను ఐఅండ్ పీఆర్ ద్వారా మీడియాకు విడుదల చేశారు. ఇది జర్నలిస్టు సర్కిళ్లలో చర్చనీయాంశమైంది.
దీనిపై సోషల్ మీడియాలో విమర్శలు, సెటైర్లు వెల్లువెత్తాయి. అయితే, జగన్ రికార్డెడ్ వీడియో విడుదల చేయడానికి కారణం మీడియా ఫోబియా కాదని, కరోనా వ్యాప్తి నిరోధానికి తీసుకునే చర్యల్లో భాగంగానే ప్రెస్ మీట్ పెట్టకుండా జగన్ ఇలా ప్రజలనుద్దేశించి మాట్లాడారని సమాచారం. ప్రెస్ మీట్ అంటే వివిధ మీడియా సంస్థలకు చెందిన ప్రతినిధులు, కెమెరామెన్లు పెద్ద సంఖ్యలో వస్తారని, ప్రస్తుత పరిస్థితుల్లో అది మంచిది కాదనే ఉద్దేశంతోనే జగన్ వీడియో సందేశం ఇచ్చారని చెబుతున్నారు.
వాస్తవానికి జగన్ ప్రెస్ మీట్ పెట్టినా కూడా మీడియా ప్రతినిధులకు ప్రశ్నలు అడగే ఛాన్స్ ఇవ్వరు. తాను చెప్పాలనుకున్నది చెప్పి వెళ్లిపోతారు. చాలా అరుదుగా మాత్రమే ప్రశ్నలకు అవకాశం ఇస్తారు. ఈ నేపథ్యంలో ఆయన నేరుగా ప్రెస్ మీట్ పెట్టినా.. ఇలా వీడియో సందేశం విడుదల చేసినా ఒకటే కదా అనే అభిప్రాయాలు వ్యక్తమవుతున్నాయి.
266253 645273Vi ringrazio, ho trovato che quanto scritto non sia completamente corretto 327820
367850 247094Some really nice stuff on this internet site , I adore it. 829686
333430 958415Likely to commence a business venture about the refers to disclosing your products and so programs not just to individuals near you, remember, though , to several potential prospects far more via the www often. earn dollars 184303