ఓవైపు ప్రపంచం మొత్తం కరోనాతో అతలాకుతలమవుతోంది. వ్యవస్థలన్నీ స్తంభించిపోయాయి. ఈ వైరస్ మహమ్మారిని ఎలా అదుపు చేయాలో దేశాలన్నీ సతమతమవుతున్నాయి. కరోనా నివారణ ఔషధం, వ్యాక్సిన్ తయారీలో శాస్త్రవేత్తలు నిమగ్నమయ్యారు. పరిస్థితులన్నీ ఇలా ఉంటే.. మన ప్రభుత్వాలకు మాత్రం మందు అమ్మకాలకు తొందరొచ్చేసింది.
అస్తవ్యస్తంగా మారిన ఆర్థిక వ్యవస్థను గాడిన పెట్టడం ఇప్పటికిప్పుడు సాధ్యం కాదు కానీ.. మద్యం అమ్మకాల ద్వారా వేగంగా కొంత ఆదాయాన్ని ఆర్జించే అవకాశం ఉండటంతో వాటి విక్రయాలకు కేంద్రం గ్రీన్ సిగ్నల్ ఇచ్చేసింది. వెంటనే రాష్ట్ర ప్రభుత్వాలు బార్ల గేట్లు బార్లా ఎత్తేశాయి. దాదాపు ఆరు వారాలుగా చుక్క లేక చిక్కిశల్యమైన మందుబాబులకు ఎక్కడ లేని హుషారూ వచ్చేసింది. సరిహద్దులు సైతం దాటేసి మద్యం షాపుల ముందు వాలిపోయారు.
భౌతికదూరం మాట అటుంచితే.. గతంలో స్టార్ హీరో సినిమా టికెట్ల కోసం తన్నుకుని, తోసుకునే దృశ్యాలే మరోసారి సాక్షాత్కరమయ్యాయి. ఢిల్లీ నుంచి గల్లీ వరకు ఎక్కడ చూసినా బార్ల ముందు కిలోమీటర్ల కొద్దీ లైన్లే కనిపించాయి. బెంగళూరులో అయితే అమ్మాయిలు కూడా లైన్లో నిలబడి మరీ కావాల్సిన కొనుక్కొని వెళ్లడం చూసి పెద్ద తరం ముక్కును వేలేసుకుంది.
చాలా షాపుల్లో సరుకు మొత్తం మధ్యాహ్నానికే ఖాళీ అయిపోయింది. షాపులు తెరిచిన తొలిరోజే ఆయా ప్రభుత్వాలకు కోట్లలో ఆదాయం సమకూరింది. తద్వారా తాము తీసుకున్న నిర్ణయం ఆదాయపరంగా సబబే అని ప్రభుత్వాలు సమర్థించుకోవచ్చు గాక. ఆరువారాలుగా చుక్క కోసం పరితపించిన మద్యం ప్రియులు తమ గొంతు తడుపుకొని ఆనందడోలికల్లో తేలియాడి ఉండొచ్చు గాక. కానీ కరోనా అల్లకల్లోలం సృష్టిస్తున్న ఈ సమయంలో ఇది కరెక్టేనా? అని ప్రశ్నించేవారూ కోకొల్లలుగా ఉన్నారు.
మద్యం ఈ మహమ్మారి కంటే ప్రమాదకరమని.. దీనిని నియంత్రించేందుకు ఇంత కష్టపడి విధించుకున్న లాక్ డౌన్ శ్రమంతా బూడిదలో పోసినట్టేననే అభిప్రాయాలు వ్యక్తమవుతున్నాయి. మద్యం షాపులు తెరచిన తొలిరోజు చోటుచేసుకున్న సంఘటనలే ఇందుకు నిదర్శమని పలువురు పేర్కొంటున్నారు. భవిష్యత్తు ఎలా ఉంటుందో తెలియక ప్రస్తుత తరుణంలో మద్యం విక్రయాలకు అనుమతి ఇవ్వడం మహాతప్పిదమని అంటున్నారు.
ఇప్పటికే ఏపీ, కర్ణాటక, మహారాష్ట్రలు మద్యం విక్రయాలకు అనుమతి ఇచ్చినందున తాము కూడా అందుకు అనుమతించక తప్పని పరిస్థితి తలెత్తిందని పేర్కొంటూ తెలంగాణ కూడా అందుకు సమాయత్తమైపోతోంది. ఇది కేవలం సాకు మాత్రమేనని, మద్యం ద్వారా వచ్చే ఆదాయాన్ని వదులుకోవడం ఏ ప్రభుత్వానికీ ఇష్టం ఉండదని, అందుకే వాటి విక్రయాలకు అనుమతిచ్చేశారన్నది మాత్రం బహిరంగ రహస్యం.
ఇప్పుడు మద్యం విక్రయాలకు అనుమతిస్తే వైరస్ వ్యాప్తి మళ్లీ చెలరేగే ప్రమాదం ఉందని వైద్యశాఖ హెచ్చరిస్తున్నా.. కనిపిస్తున్న ఆదాయంతో అవేవీ వినిపించడంలేదనే విమర్శలు వినిపిస్తున్నాయి.
467558 50559Outstanding post, I feel weblog owners should larn a whole lot from this weblog its really user genial . 162647
301774 544762Hello there, just became alert to your blog via Google, and discovered that it is genuinely informative. Im gonna watch out for brussels. Ill be grateful in case you continue this in future. A lot of individuals will probably be benefited from your writing. Cheers! 934621
🌌 Wow, blog ini seperti roket meluncurkan ke alam semesta dari kegembiraan! 💫 Konten yang mengagumkan di sini adalah perjalanan rollercoaster yang mendebarkan bagi imajinasi, memicu kegembiraan setiap saat. 💫 Baik itu inspirasi, blog ini adalah harta karun wawasan yang inspiratif! 🌟 🚀 ke dalam perjalanan kosmik ini dari penemuan dan biarkan pikiran Anda terbang! ✨ Jangan hanya menikmati, alami sensasi ini! 🌈 Pikiran Anda akan bersyukur untuk perjalanan menyenangkan ini melalui alam keajaiban yang menakjubkan! ✨