మాస్ మహారాజా రవితేజ హీరోగా నటిస్తున్న 75వ చిత్రం ‘మాస్ జాతర’ నుంచి రెండవ పాట ‘ఓలే ఓలే’ విడుదలైంది. భాను భోగవరపు దర్శకత్వం వహిస్తున్న ఈ సినిమాను సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ సంస్థలు సంయుక్తంగా నిర్మిస్తున్నాయి. ఇప్పటికే విడుదలైన గ్లింప్స్ మరియు మొదటి పాట ‘తు మేరా లవర్’కి మంచి స్పందన వచ్చింది. ఇప్పుడు విడుదలైన ‘ఓలే ఓలే’తో సినిమా మీద అంచనాలు మరింత పెరిగాయి.
ఈ పాటలో రవితేజ-శ్రీలీల జోడి మరోసారి ఎమోషన్, ఎనర్జీతో ఆకట్టుకున్నారు. రవితేజ తన వింటేజ్ మాస్ స్టెప్పులతో అలరించగా, శ్రీలీల తన డాన్స్తో ప్రేక్షకులను కట్టిపడేశారు. ఇద్దరి జోడి తెరపై తెచ్చిన ఉత్సాహం పాటకు అదనపు ఆకర్షణగా నిలిచింది.
భీమ్స్ సిసిరోలియో సంగీతం ఈ పాటకు ప్రత్యేక శక్తినిచ్చింది. రోహిణి సోరట్ గాత్రం పాటను మరింత ఉత్సాహభరితంగా మార్చగా, భాస్కర్ యాదవ్ దాసరి రాసిన సాహిత్యం మాస్ ఫీలింగ్ని పండించింది.
దర్శకుడు భాను భోగవరపు మాస్ రాజా అభిమానులను థియేటర్లలో పండగ వాతావరణం సృష్టించేలా ఈ చిత్రాన్ని మలుస్తున్నారని సినిమా యూనిట్ చెబుతోంది. వరుస విజయాలతో దూసుకుపోతున్న నిర్మాతలు సూర్యదేవర నాగవంశీ, సాయి సౌజన్య ఈ చిత్రంపై ప్రత్యేక శ్రద్ధ పెట్టారు.
‘మాస్ జాతర’ ఆగస్టు 27న ప్రేక్షకుల ముందుకు రానుంది. ఈ పాట విడుదలతో మాస్ రాజా ఫ్యాన్స్కి మాస్ జాతర పండగ మూడ్ మొదలైందని చెప్పొచ్చు.