రష్మిక నె0.1, రౌడీస్టార్ నెం.1

సెలబ్రెటీలు అంటేనే ప్రభావితం చేసే వారు అనడంలో సందేహం లేదు. వారి మాటలు లేదా వారి ప్రవర్తన ఎంతో మందిని ప్రభావితం చేస్తుంది. అందుకే వారితో పెద్ద కంపెనీల నుండి చిన్న కంపెనీలు చివరకు టీ కొట్టు వరకు ప్రమోషన్ చేయించుకునేందుకు ప్రయత్నాలు చేస్తూ ఉంటాయి. ఎంతో మంది ఎన్నో రకాలుగా ప్రభావితం చేస్తూ ఉంటారు. అలాంటి ప్రభావితుల జాబితాను ఫోర్బ్స్‌ ఇండియా వెళ్లడించింది. వారు సౌత్‌ సెలబ్రెటీల్లో అత్యధికంగా ప్రభావితం చేస్తున్నది ఎవరు అనే విషయాన్ని కూడా తెలియజేశారు. సౌత్‌ ఇండియాలో ఎంతో మంది స్టార్‌ హీరోలు హీరోయిన్స్ ఇంకా పొలిటీషన్స్ ఉన్నారు. వారందరిలోకి అత్యధికంగా ప్రభావితం చేయగల సత్తా ఉన్న వ్యక్తి రష్మిక మందన్నా అంటూ వారు అధికారికంగా ప్రకటించారు. మొత్తంగా సౌత్ లో ఇన్ స్టా గ్రామ్ ద్వారా అత్యధిక మందిని ఈమె ప్రభావితం చేస్తున్నట్లుగా వారు తెలియజేశారు.

ఈ జాబితాలో నెం.1 గా రష్మిక మందన్నా నిలిచింది. ఆమె ఇన్ స్టా ఫాలోవర్స్ సంఖ్య భారీగా ఉన్నారు. అందుకే ఆమె ఎక్కువ మందిని ప్రభావితం చేస్తుందని అంటున్నారు. ఆ తర్వాత రెండవ స్థానంలో రౌడీ స్టార్ విజయ్ దేవరకొండ నిలిచాడు. సౌత్ లోనే కాకుండా బాలీవుడ్‌ లో కూడా ఈయన హవా కొనసాగుతుంది. అందుకే ఈయనకు రెండవ స్థానం దక్కింది. ఇక మూడవ స్థానంలో కేజీఎఫ్‌ స్టార్‌ హీరో యశ్ నిలిచాడు. ఒకే ఒక్క సినిమా తో యశ్‌ దశ తిరిగి పోయింది. ఇన్‌ స్టా గ్రామ్‌ లో అత్యధికులు ఈయన్ను ఫాలో అవుతున్నారు. ఇక నాల్గవ స్థానంను ఇటీవల సౌత్ లో టాప్‌ స్టార్‌ గా వెలుగు వెలుగుతూ భర్త చైతూకు విడాకులు ఇచ్చిన సమంత నిలిచింది. ఆమె కూడా ఇన్‌ స్టా లో కూడా భారీగా ఫాలోవర్స్ ను కలిగి ఉన్నారు. ఇక అయిద స్థానంను స్టైలిష్ ఐకానిక్ స్టార్‌ అల్లు అర్జున్‌ నిలిచాడు. ఈ జాబితా ప్రతి ఏడాది మారుతూనే ఉంటుంది. ఈసారి కి నెం.1 లో మాత్రం రష్మిక మందన్నా నిలిచింది. ముందు ముందు ఎవరికి ఆ అవకాశం దక్కనుందో చూడాలి.