Project K: యంగ్ రెబల్ స్టార్ ప్రభాస్ (Prabhas), దీపికా పదుకొనే (Deepika Padukone), అమితాబ్ బచ్చన్ (Amitabh Bachan) నటిస్తున్న ‘ప్రాజెక్ట్ – కె’ (Project K) సినిమాపై ప్రముఖ నటుడు రానా (Rana) చేసిన వ్యాఖ్యలు వైరల్ అవుతున్నాయి. ఓ కార్యక్రమంలో పాల్గొన్న ఆయన మాట్లాడుతూ..
‘ప్రాజెక్ట్ కె విడుదలయ్యాక ఆర్ఆర్ఆర్, బాహుబలి రికార్డులను దాటేస్తుందని అన్నారు. తెలుగు ప్రేక్షకులు ఈ సినిమా కోసం ఎదురు చూస్తున్నారు. నేనూ ఈ సినిమా చూసేందుకు ఎంతో ఆసక్తిగా ఉన్నాను. ప్రాజెక్ట్ కె గ్లోబల్ స్థాయిలో గుర్తింపు తెచ్చుకుంటుందనే నమ్మకముంది’ అని అన్నారు. దీంతో ప్రభాస్ అభిమానులు ఆనందంలో మునిగిపోతున్నారు.
ఇప్పటికే భారీ అంచనాలు నెలకొన్న సినిమాను అగ్ర నిర్మాణ సంస్థ వైజయంతీ మూవీస్ బ్యానర్ పై అశ్వనీదత్ భారీ ఖర్చుతో నాగ్ అశ్విన్ దర్శకత్వంలో తెరకెక్కిస్తున్నారు. ఈ సినిమా తర్వాత ప్రభాస్ ఇంటర్నేషనల్ ప్రాజెక్టులు చేసినా ఆశ్చర్యంలేదని అశ్వనీదత్ ఆమధ్య చేసిన ప్రకటన చర్చనీయాంశమైంది. ఈ సినిమాలో కమల్ హాసన్ (Kamal Haassan) కూడా నటిస్తున్నారే వార్తలు వస్తున్నాయి. దీనిని టీమ్ కన్ఫర్మ్ చేయాల్సి ఉంది.