హైద్రాబాద్‌ అనగానే అందరికీ గుర్తుకొచ్చేది బిర్యానీ.. దాంతోపాటే, రంజాన్‌ స్పెషల్‌ అయిన హలీం. ఇంకో స్పెషల్‌ కూడా వుంది రంజాన్‌ సందర్భంలో. అదే నైట్‌ బజార్‌. హైద్రాబాద్‌లోని పాత బస్తీలోగల చార్మినార్‌ ప్రాంతంలోని నైట్‌ బజార్‌ రంజాన్‌ సీజన్‌లో కళకళ్ళాడిపోతుంటుంది.
పగలంతా అక్కడ మామూలు హడావిడి మాత్రమే వుంటుంది. సాయంత్రం అసలు సిసలు వెలుగులు కన్పిస్తాయి. అది నైట్‌ బజార్‌ ప్రత్యేకత. అర్థరాత్రి సమయానికి ఈ స్పెషల్‌ బజార్‌లో కొనుగోళ్ళు వేగం పుంజుకుంటాయి. గాజులు, రకరకాల వస్త్రాలు, పెర్‌ఫ్యూమ్ లు ఇలా ఒకటేమిటి.? అన్నీ ఇక్కడ ప్రత్యేకమే. ప్రత్యేకమైన వంటకాలు, అందునా ముస్లిం సంప్రదాయ వంటకాలు, విదేశీ వంటకాలు ఇక్కడ భోజన ప్రియుల్ని అలరిస్తుంటాయి. కోట్లాది రూపాయల వ్యాపారం రంజాన్‌ మాసం అంతటా జరుగుతుంటుంది.
అయితే, ఈ ఏడాది ఆ వెలుగులు కన్పించడంలేదు. చాలామంది సినీ ప్రముఖులు, ప్రత్యేకించి హీరోయిన్లు.. రంజాన్‌ నైట్‌ మార్కెట్‌ని ప్రత్యేకంగా ఎంజాయ్‌ చేస్తుంటారు.. అది కూడా కొన్ని సందర్భాల్లో మారు వేషాల్లో. అంతమంది జనంలోకి వెళితే, ఎవరన్నా గుర్తుపడితే.. ఇంకేమన్నా వుందా.? అయితే, కొందరు మాత్రం.. అక్కడికి వెళ్ళి వచ్చిన విషయాన్ని అందరికీ తెలిసేలా సోషల్‌ మీడియాలో పోస్ట్‌లు పెడుతుంటారు కూడా.
ప్రపంచంలోని అత్యున్నత నగరాల్లో షాపింగ్‌ అనుభూతి సంగతెలా వున్నా, హైద్రాబాద్‌లో రంజాన్‌ సందర్భంగా నైట్‌ బజార్‌లో షాపింగ్‌ మాత్రం చాలా చాలా ప్రత్యేకమంటారు సెలబ్రిటీలు. ఈ సారి హైద్రాబాద్‌లో రంజాన్‌ నైట్‌ బజార్‌ హంగామా అస్సలేమాత్రం లేకపోవడం పట్ల సెలబ్రిటీలూ ఆవేదన వ్యక్తం చేస్తున్నారు.
ఇంట్లోంచి కాలు బయటకు పెట్టలేని పరిస్థితి నిన్న మొన్నటిదాకా కన్పించింది. ఇప్పుడిప్పుడే కాస్తంత సడలింపులు వచ్చాయి. దాంతో, నైట్‌ బజార్‌ లాంటి ప్రత్యేక హంగామా లేకపోయినా.. పాత బస్తీలో రంజాన్‌ కళ కొంచెం కొంచెంగా ఇప్పుడిప్పుడే కన్పిస్తోంది.
678285 622801Hey! I just wanted to ask if you ever have any problems with hackers? My last blog (wordpress) was hacked and I ended up losing a few months of hard work due to no backup. Do you have any methods to stop hackers? 738063