మెగా పవర్ స్టార్ Ram Charan నటిస్తున్న భారీ స్పోర్ట్స్ డ్రామా ‘పెద్ది’ విడుదలకు ఇంకా సమయం ఉండగానే సినీ వర్గాల్లో భారీ హైప్ను సొంతం చేసుకుంటోంది. దర్శకుడు బుచ్చిబాబు సానా తెరకెక్కిస్తున్న ఈ చిత్రంపై ప్రేక్షకుల్లో రోజురోజుకీ అంచనాలు పెరుగుతుండగా, థియేటర్ యాజమాన్యాలు కూడా ఈ సినిమా కోసం ఆసక్తిగా ఎదురుచూస్తున్నాయి. ముఖ్యంగా మాస్ సెంటర్లలో ‘పెద్ది’పై కనిపిస్తున్న క్రేజ్ ట్రేడ్ వర్గాలను ఆశ్చర్యపరుస్తోంది.
సినిమా కంటెంట్పై చిత్రబృందం చూపిస్తున్న నమ్మకం కూడా అభిమానుల్లో మరింత ఆసక్తిని పెంచుతోంది. ఇప్పటికే విడుదలైన పోస్టర్లు, ప్రచార కంటెంట్కు వచ్చిన స్పందనతో ‘పెద్ది’కి ష్యూర్ షాట్ బ్లాక్బస్టర్ వైబ్స్ కనిపిస్తున్నాయనే టాక్ ఇండస్ట్రీలో వినిపిస్తోంది. జూన్ 4 విడుదల తేదీ దగ్గరపడుతున్న కొద్దీ సోషల్ మీడియాలో సినిమా హడావిడి మరింత పెరుగుతోంది.
ఇక నార్త్ అమెరికా అడ్వాన్స్ బుకింగ్స్ ఓపెన్ అయిన వెంటనే ‘పెద్ది’ దూకుడు మొదలైంది. ఫాస్టెస్ట్ 50K, ఫాస్టెస్ట్ 100K ప్రీ-సేల్స్ మార్క్లను అందుకుంటూ కొత్త రికార్డుల దిశగా ఈ సినిమా పరుగులు తీస్తోందని ట్రేడ్ విశ్లేషకులు చెబుతున్నారు. ఇదే జోరు కొనసాగితే తెలుగు రాష్ట్రాల్లో ముఖ్యంగా బీ, సీ సెంటర్ల నుంచి భారీ స్పందన రావడం ఖాయమనే అంచనాలు వ్యక్తమవుతున్నాయి. విడుదల సమయానికి ‘పెద్ది’ మరిన్ని సంచలన రికార్డులకు తెరలేపే అవకాశాలు స్పష్టంగా కనిపిస్తున్నాయి.