Ram Charan: మెగా పవర్ స్టార్ రామ్ చరణ్ మరో భారీ ప్రాజెక్టులో భాగమవుతున్నారా..? అంటే అవుననే అంటున్నాయి బాలీవుడ్ వర్గాలు. భారీ చిత్రాల దర్శకుడు సంజయ్ లీలా భన్సాలీతో రామ్ చరణ్ సినిమా అనే వార్త ప్రస్తుతం టాలీవుడ్ నూ బాగా షేక్ చేస్తోంది. సోషల్ మీడియాలో ఈ వార్త బాగా వైరల్ అవుతూండటంతో అభిమానుల్లోనూ జోష్ నింపుతోంది. జంగిల్ అడ్వెంచర్ నేపథ్యంలో సాగే కథను భారీ కాన్వాస్ లో తెరకెక్కించబోతున్నట్టు సమాచారం. ఈ సినిమాకు భన్సాలీ నిర్మాతగా వ్యవహరిస్తారని సమాచారం. బాలీవుడ్ అగ్ర దర్శకుడు ఈ సినిమాను తెరకెక్కించబోతున్నట్టు తెలుస్తోంది.
ఇప్పటికే రామ్ చరణ్ కు కథ వినిపించినట్టు తెలుస్తోంది. రామ్ చరణ్ ఇమేజ్ కు తగ్గట్టు కథ, స్క్రీన్ ప్లే లో కొన్ని మార్పులు చేసినట్టు తెలుస్తోంది. అయితే.. ఈ వార్తలపై పూర్తి సమాచారం రివీల్ కావాల్సి ఉంది. అఫిషియల్ ఇన్ఫో వస్తే సినిమాపై అంచనాలకు ఆకాశమే హద్దు అని చెప్పడంలో అతిశయోక్తి లేదు. ఫారెస్ట్ బ్యాక్ డ్రాప్, యాక్షన్ అడ్వెంచర్ అంటే గుర్రపుస్వారీలు, చేజింగ్ లు, భారీ యాక్షన్ తప్పకుండా ఉంటాయి. దీంతో సినిమాపై ఎక్కడేలేని హైప్ వస్తుంది. పూర్తి వివరాలు తెలియాల్సి ఉంది. ఇదే నిజమైతే రామ్ చరణ్ కెరీర్ కి మరో పెద్ద మలుపు అని చెప్పాలి.
ఇప్పటికే పాన్ ఇండియా మార్కెట్లో బలమైన స్థానం సంపాదించిన రామ్ చరణ్, ఈ సినిమాతో బాలీవుడ్లో కూడా మరింత గుర్తింపు తెచ్చుకుంటారని అంటున్నారు. ఇప్పటికీ అధికారిక ప్రకటన వెలువడకపోయినా, ఈ కాంబినేషన్ నిజమైతే ఇండియన్ సినీ ఇండస్ట్రీలో ఇది హాట్ టాపిక్ అవుతుందని చెప్పడంలో సందేహం లేదు. ప్రస్తుతం రామ్ చరణ్ ‘పెద్ది’లో నటిస్తున్నారు. తర్వాత సుకుమార్ దర్శకత్వంలో సినిమా చేయనున్నారు. ఆ తర్వాతే ఈ సినిమా ఉంటుందని తెలుస్తోంది.
భారీ కాన్వాస్ సినిమాలకు సంజయ్ లీలా భన్సాలీ కేరాఫ్ అడ్రస్ అని చెప్పాలి. బాలీవుడ్ లో ఆయన తెరకెక్కించిన సినిమాలన్నీ చాలా గ్రాండియర్ గా తెరకెక్కుతాయి. దేవదాస్, గుజారిష్, రామ్-లీలా, రౌడీ రాథోడ్, భాజీరావ్ మస్తానీ, పద్మావత్, గంగూభాయ్ కతియావాడీ.. వంటి భారీ సినిమాలు ఆయన నుంచి వచ్చాయి. ఇప్పుడు రామ్ చరణ్ తో సినిమా కూడా అంతే గ్రాండ్ స్కేల్ ఉన్న సినిమాగా చెప్తున్నారు. రామ్ చరణ్ కటౌట్ కి సరిపోయే కథతో సినిమా తెరకెక్కుతోందని.. భారీ కాన్వాస్ తో భన్సాలీ మార్క్ తో సినిమా తెరకెక్కుతోందని తెలుస్తోంది. రామ్ చరణ్ కెరీర్లో ఈ సినిమా ఓ ల్యాండ్ మార్క్ లా నిలిచేలా తెరకెక్కించే ఆలోచనలో ఉన్నట్టు తెలుస్తోంది. పూర్తి వివరాలు తెలియాల్సి ఉంది.