Ram Charan-Klin Kaara: గ్లోబల్ స్టార్ రామ్ చరణ్ మైనపు విగ్రహం లండన్ లోని ప్రఖ్యాత మేడమ్ టుస్సాడ్స్ మ్యూజియంలో ఏర్పాటైన విషయం తెలిసిందే. లండన్లో జరిగిన వేడుకకు చిరంజీవి-సురేఖ దంపతులతోపాటు ఉపాసన, క్లింకారా హాజరయ్యారు. విగ్రహావిష్కరణ అనంతరం తన మైనపు బొమ్మతో రామ్ చరణ్ ఫొటోలుదిగి సందడి చేశారు.
ఇక్కడ రామ్ చరణ్-క్లింకారా మధ్య జరిగిన సరదా సన్నివేశం నెట్టింట బాగా ట్రెండ్ అవుతోంది. ఫొటోలకు చరణ్ ఫోజులిస్తూండగా వేదికపైకి క్లింకారా చిట్టిపొట్టి అడుగులు వేసుకుంటూ వెళ్తోంది. ఉపాసన ఆగమన్నా ఆగకుండా స్టేజిపైకి ఎక్కేసింది. అయితే.. తండ్రి రామ్ చరణ్ వద్దకు కాకుండా మైనపు విగ్రహాన్నే తండ్రి అనుకుని వెళ్తుంటే రామ్ చరణ్ క్లింకారాను ఆపేశారు.
కానీ.. క్లింకారా మాత్రం ఆ బొమ్మ వైపు వెళ్తానని చేయి చూపించడం నెటిజన్లను విపరీతంగా ఆకట్టుకుంటోంది. క్లింకారా ముద్దు ముద్దు చర్యలతో ముచ్చటగొలుపుతున్న వీడియోను మెగాభిమానులు బాగా షేర్ చేస్తున్నారు. రాణి ఎలిజబెత్-2 తర్వాత పెంపుడు జంతువుతో మైనపు విగ్రహం కలిగిన సెలబ్రిటీగా రామ్ చరణ్ నిలిచారు.
Cute and Beautiful Video ❤️#RamCharan #KlinKaara#RamCharanWaxStatue pic.twitter.com/kxOEwyczfr
— Chiruholic (@chiruholicc) May 12, 2025