Ram Charan : మెగా పవర్ స్టార్ రామ్‌ చరణ్ హీరోగా కియారా అద్వానీ హీరోయిన్‌ గా శంకర్ దర్శకత్వం లో దిల్‌ రాజు నిర్మిస్తున్న భారీ బడ్జెట్ చిత్రం ‘గేమ్ ఛేంజర్’ సంక్రాంతికి వస్తుందని అభిమానులు చాలా ఆసక్తిగా ఎదురు చూస్తున్నారు. అయితే షూటింగ్ చాలా స్లోగా సాగుతున్న కారణంగా సంక్రాంతికి సినిమా వస్తుందా లేదా అనే అనుమానాలు వ్యక్తం అవుతున్నాయి.
సినిమా సంక్రాంతికి ఉన్నా లేకున్నా ఈ ఏడాది లో పండగ స్పెషల్ గా గేమ్ ఛేంజర్ సినిమా నుంచి పాట రాబోతున్నట్లుగా వార్తలు వస్తున్నాయి. విశ్వసనీయంగా అందుతున్న సమాచారం ప్రకారం దసరా కి గేమ్ ఛేంజర్ పాటను తీసుకు వచ్చేందుకు గాను సంగీత దర్శకుడు థమన్ ఏర్పాట్లు చేస్తున్నట్లుగా తెలుస్తోంది.
సాధారణంగానే శంకర్ సినిమా అంటే మ్యూజికల్ గా ఓ రేంజ్ లో ఉంటుంది. అందుకే గేమ్ ఛేంజర్ సినిమా పాటలపై ఆసక్తి పెరుగుతూనే ఉంది. ఈ మధ్య కాలంలో థమన్ నుంచి వచ్చిన మ్యూజిక్‌ ఆల్బం ఏ ఒక్కటి కూడా సక్సెస్ అవ్వలేదు. దాంతో ఈ సినిమా పాటలపై చాలా అంచనాలు ఉన్నాయి. మరి థమన్ మెగా ఫ్యాన్స్‌ అంచనాలను అందుకునేనా అనేది చూడాలి. పాట విడుదల సమయంలో గేమ్ ఛేంజర్ సినిమా కొత్త విడుదల తేదీ గురించి క్లారిటీ వస్తుందేమో చూడాలి.