పోగొట్టుకున్న చోటే వెతుక్కోవాలి.. నవ్విన నాప చేను పండుతుంది.. మనుషులు వారి జీవితాలకి సంబంధించిన సామెతలు ఇవి. ఈ సామెతల బలం ఎంతో.. నిజం జీవితంలో చేసి చూపించారు మెగా పవర్ స్టార్ రామ్ చరణ్ తేజ్. ముఖ్యంగా ఆర్ఆర్ఆర్ తో రామ్ చరణ్ కీర్తి ఎల్లలు దాటింది. టాలీవుడ్ నుంచి.. బాలీవుడ్ మీదుగా హాలీవుడ్ వరకూ రామ్ చరణ్ నటనా కౌశలాన్ని కీర్తించిన వారే.
ఏ బాలీవుడ్ క్రిటిక్స్ తనను విమర్శించారో.. అదే బాలీవుడ్ క్రిటిక్స్, మీడియా వేనోళ్ళ కీర్తించేలా నటనలో రాటుదేలాడు రామ్ చరణ్. మార్వెల్ లూక్ కేజ్ సృష్టికర్త చియో హోదారి కోకర్ ఏకంగా రామ్ చరణ్ నటనకు ఫిదా అయిపోయాడు. జేమ్స్ బాండ్ పాత్రకు రామ్ చరణ్ ఒక చాయిస్ అని ట్వీట్ చేయడం చరణ్ సాధించిన కీర్తి, నటనా స్థాయికి నిదర్శనం.
తండ్రిలానే సూపర్ స్టార్ స్టేటస్..
తనకంటూ ఓ స్టైల్, ఇమేజ్, మార్కెట్ తెచ్చుకున్న రామ్ చరణ్.. తన స్టార్ స్టేటస్ ఏమాత్రం తగ్గకుండా సూపర్ స్టార్ స్టేటస్ అందుకోవడం చిరంజీవికి ఎనలేని సంతోషాన్నిస్తోందని చెప్పాలి. ఇటివలి గాడ్ ఫాదర్ ప్రమోషన్స్ ‘రామ్ చరణ్ నా ప్రైడ్’ అని చెప్పిన విషయం తెలిసిందే. ఎదిగే కొద్దీ ఒదిగి ఉండటం తండ్రి నుంచి నేర్చుకున్న మంచి లక్షణంగా చెప్పాలి. తండ్రి పేరు నిలబెట్టడమే కాదు.. క్రమశిక్షణ, వ్యక్తులకు ఇచ్చే గౌరవంలో కూడా తండ్రి స్థాయినే అందుకున్నాడని చెప్పాలి.
సెట్ లో తాను చిరంజీవి కొడుకు అనే హోదా చూపించరు.. అందరితో సరదాగా ఉంటారని చరణ్ సహ నటీనటులెవరైనా చెప్పే మాట. ఆర్ఆర్ఆర్ ప్రమోషన్లలో కూడా ఎంతో సైలంట్ గా ఉన్న చరణ్ పై దేశవ్యాప్తంగా ప్రశంసలు దక్కాయి. అయ్యప్ప దీక్షలో ఉండి చెప్పులు లేకుండా కనపడటం చరణ్ పై వారికి అభిమానం కలిగేలా చేసింది.
వ్యక్తిత్వంలో శిఖరం..
రామ్ చరణ్ తన తోబుట్టువులు సుస్మిత, శ్రీజతోపాటు.. వరుణ్ తేజ్, సాయిధరమ్ తేజ్, వైష్ణవ్ తేజ్ పై అదే ఆప్యాయత చూపుతారని.. కెరీర్ విషయంలో విలువైన సలహాలు ఇస్తూంటారని నాగబాబు ఓ సందర్భంలో చెప్పారు. భార్య ఉపాసన కూడా చరణ్ వ్యక్తిత్వంపై ఎన్నోసార్లు గొప్పగా చెప్పారు. జానీ మాస్టర్ కు చరణ్ చేసిన సాయం ఆయనలోని మానవత్వానికి నిదర్శనం. అభిమానులను కూడా అంతే ఆదరణతో చూడటం చరణ్ ప్రత్యేకత.
గతంలో ఓ చిన్నారికి అందిన సాయంపై రెండేళ్ల తర్వాత ‘పాప ఇప్పుడెలా ఉంది..’ అని అడగటం చరణ్ గొప్ప మనసుకి నిదర్శనమని నటుడు కాదంబరి కిరణ్ చెప్పారు. నేటితో రామ్ చరణ్ కు ఇండస్ట్రీలో 15 ఏళ్లు పూర్తవుతున్నాయి. సెప్టెంబర్ 28, 2007న ఆయన మొదటి సినిమా ‘చిరుత’ విడుదలైంది. ఇన్నేళ్లలో ఎంతో ఎత్తుకు ఎదిగిన రామ్ చరణ్ రాబోయే రోజుల్లో మరిన్ని ఉన్నత శిఖరాలు అందుకోవాలని మనస్ఫూర్తిగా కోరుకుంటోంది ‘తెలుగు బులెటిన్’.
466899 586661 Spot on with this write-up, I truly think this internet site needs a lot much more consideration. Ill probably be once more to read considerably much more, thanks for that info. 118192
664070 333296It can be difficult to write about this subject. I feel you did an excellent job though! Thanks for this! 313950
475928 989998I like this website extremely considerably, Its a rattling nice place to read and get information . 64217