Ram Charan: మెగా పవర్ స్టార్ రామ్ చరణ్ నటించిన ‘పెద్ది’ సంచలన విజయం సాధించిన విషయం తెలిసిందే. అన్ని ఏరియాల్లో ప్రేక్షకాదరణ పొంది మంచి వసూళ్లు నమోదు చేస్తోంది. సినిమాలో రామ్ చరణ్ నటనకు ప్రేక్షకులే కాదు, విమర్శకుల నుంచి కూడా ప్రశంసలు కూడా దక్కుతున్నాయి. రామ్ చరణ్ కెరీర్లో మరో ఉత్తమమైన సినిమాగా ‘పెద్ది’ నిలుస్తోంది. అయితే.. సినిమా ఎంత పెద్ద విజయం సాధించిందో ఎంతలా వార్తల్లో నిలిచిందో.. మరో అంశంలో కూడా అంతే వార్తల్లో నిలుస్తోంది. ఏ తెలుగు సెలబ్రిటీ కూడా రామ్ చరణ్ నటనను ప్రశంసిస్తూ సోషల్ మీడియా వేదికగా ట్వీట్ వేయకపోవడం అందరినీ ఆశ్చర్యపరుస్తోంది.
దీనిపై అభిమానుల అభిప్రాయంలో.. మిస్టర్ కూల్ గా పేరు తెచ్చుకున్న రామ్ చరణ్ ఎప్పడూ అజాతశత్రువే. తన పని తాను చేసుకెళ్లే హీరోల్లో ఒకరు. అందరికీ భిన్నంగా.. చేసే పనిపైనే దృష్టిపెట్టే వ్యక్తిత్వం కూడా. రెండో సినిమా మగధీరతోనే అద్భుతాలు చేసినా, రంగస్థలంతో నటనకు కొత్త అర్ధం చెప్పినా.. ఆర్ఆర్ఆర్ తో పాత్రలో వేరియేషన్లతో మెప్పించినా తనకే చెల్లింది. ఎవరో తనను ప్రశంసించాలి.. సెలబ్రిటీలు తన సినిమా చూశారా.. అనే స్టేజ్ లో రామ్ చరణ్ లేరనేది నిర్వివాదాంశం. తన నటనతో ఎప్పుడో ఆ స్థితిని దాటిపోయారు. ఒకరు ప్రశంసిస్తేనే తన నటనకు గుర్తింపు అనేది రామ్ చరణ్ కు వర్తించేది కాదని ఫ్యాన్స్ అంటున్నారు.
తమ ప్రతిభను నలుగురూ గుర్తించాలని.. ఇలా ఒకరితో ప్రశంసలు అందుకోవడం మిగిలిన హీరోలకు, దర్శకులకు ఉంటుందే కానీ తమ హీరోకి కాదంటున్నారు. అభిమానుల అభిప్రాయమూ నిజమే. చేసిన 16 సినిమాల్లో పాత్ బ్రేకింగ్ అనదగ్గవి నాలుగు సినిమాలతో కెరీర్లో నిలిచిపోయే సినిమాలు చేసి.. కథలో పాత్రగా తెరపై కనిపించే నటుడనే పేరు రామ్ చరణ్ సంపాదించుకున్నాడు. ఏ నటుడికైనా కావల్సింది ఇదే. నటనలో పరకాయప్రవేశం చేసే నటులు తమిళ, మలయాళ హీరోలు అనుకునే తెలుగువారికి తెలుగులోనే అంతకుమించి నటనా సామర్ధ్యం ఉన్న నటుడిగా నేను రామ్ చరణ్ నిలిచాడు. ఇది కాదా ఓ హీరోకు నిజమైన గుర్తింపు. ఇదే కదా.. రామ్ చరణ్ ను మిగిలిన హీరోలకు భిన్నంగా చూపేది.