Ram Charan: ఆకాశమంత పందిరి.. భూదేవంత అరుగు.. కోట్లాది దేవతల ఆశీర్వాదం.. అంగరంగ వైభవంగా జరిపే వివాహానికి తెలుగు మాటల్లో ఉన్న ఓ నానుడి ఇది. ప్రపంచ కుబేరుల్లో ఒకరైన ముఖేశ్ అంబానీ ఇంట పెళ్లి సంబరం దాదాపు ఇలానే జరిగింది. అనంత్ అంబానీ (Anant Ambani)-రాధికా మర్చంట్ (Radhika Merchant) వివాహం గురించి ప్రపంచమే మాట్లాడుకుందంటే.. వైభోగం చూసి అచ్చెరువొందింది అంటే.. చిన్నమాట. ప్రపంచంలోని వివిధ రంగాల్లోని దిగ్గజాలు హాజరవగా ఈ జంట ఒక్కటైంది. ఇంతటి వేడుకకు ఆహ్వానం అందుకున్నారు గ్లోబల్ స్టార్ రామ్ చరణ్ (Ram Charan) ఆయన సతీమణి ఉపాసన (Upasana).
ఆర్ఆర్ఆర్ తో ప్రపంచ ప్రేక్షకుల్ని తన నటనతో మెప్పించి.. ఔరా అనిపించారు రామ్ చరణ్. హాలీవుడ్ ప్రముఖులు, ప్రేక్షకులతోపాటు జపాన్ లోనూ విపరీతమైన క్రేజ్ ఆయన సొంతం. ఓ వేడుకకు చరణ్ కు ఆహ్వానం అందుకోవడం నేడు సాధారణమైన విషయం. అంతటి రేంజ్ తన నటనతో, వ్యక్తిత్వంతో సంపాదించుకున్నారు. ఈక్రమంలో అంబానీ ఇంట పెళ్లి వేడుకకు తెలుగు నుంచి ఆహ్వానం అందుకున్న అతి తక్కువ మందిలో ఒకరిగా నిలిచారు. అంబానీ కుటుంబం రామ్ చరణ్ పై చూపిన అభిమానం ప్రతి అభిమానికి గర్వంగా ఉంది.
వేడుకకు వెళ్తూ స్టయిలిష్ మేకోవర్ లో ఉన్నా.. ర్యాంప్ పై వైట్ కుర్తాలో మెరిసిపోయినా.. వేడుకలో బ్లూ కలర్ డ్రస్సింగ్ లో ఉన్నా.. రామ్ చరణ్ మ్యాచో లుక్స్ సెంటరాఫ్ అట్రాక్షన్. ఆయన చార్మ్, చిరునవ్వు, హుందాతనం తన ప్రభను మరింత ద్విగుణీకృతం చేసిందని చెప్పాలి. పారిశ్రామిక దిగ్గజాలు, క్రీడాకారులు, సినీ ప్రముఖులు ఎందరున్నా రామ్ చరణ్ ప్రజెన్స్ మోర్ అట్రాక్టివ్. ముఖేశ్ అంబానీ-నీతా, అనంత్ అంబానీ-రాధికా.. రామ్ చరణ్ దంపతుల్ని ఆదరించిన తీరు, ఆత్మీయ పలకరింపు మెగా ఫ్యామిలీకి, మెగాభిమానులకి.. తెలుగు ప్రజలకి గౌరవం అంటే అతిశయోక్తి కాదు.